શોધ / NASAને મંગળ ગ્રહ પર મળી એવી વસ્તુ કે ભવિષ્યમાં રહેવાની વધી શક્યતા

• મંગળ પર રહેવાની શક્યતા વધી
• નાસાએ મંગળ પર ફરીથી શોધ્યો પાણીનો સ્ત્રોત
• મંગળની નીચે મળી આવ્યા 3 તળાવ

યૂરોપીયન સ્પેસ એજન્સીના સ્પેસક્રાફ્ટ માર્સ એક્સપ્રેસે 2018માં જે જગ્યા પર બરફની નીચે ખારા પાણીનું તળાવ શોધ્યું હતું તેની ખાતરી કરવા 2012-2015 સુધી માર્સ એક્સપ્રેસ સેટેલાઈટ 29 વાર ત્યાંથી પસાર થયું, ફોટા લીધા. આ તળાવની આસપાસ તેને ફરીથી 3 તળાવ દેખાયા. આ 3 તળાવને માટે સ્પેસક્રાફ્ટને 2012થી 2019 વચ્ચે 134 વાર ઓબ્ઝર્વેશન કરવું પડ્યું હતું. 

 
મંગળ પર પાણીનો સૌથી મોટો સ્ત્રોત મળ્યો

મંગળ ગ્રહ પર 2018માં શોધાયેલું તળાવ બરફની નીચે છે અને સાથે તે 20 કિમી લાંબુ છે. આ મંગળ ગ્રહ પર મળનારો સૌથી મોટો જળસ્ત્રોત છે. રોમ યુનિવર્સિટીના એસ્ટ્રોસાયન્ટિસ્ટે કહ્યું કે અમે 2 વર્ષ પહેલાં આ તળાવની શોધ કરી હતી. મંગળ ગ્રહ પર પાણીનો સ્ત્રોત દુર્લભ છે. તેને સમજવાનો પ્રયાસ કરી રહ્યા છે. પહેલાંના શોધમાં મંગળના ધરાતલ પર તરલ પદાર્થના સંભવિત ચિન્હો મળતાં આ શોધ કરાઈ હતી. 
 

મંગળ ગ્રહ પર આવ્યા છે અનેક પરિવર્તન

હવે પહેલાંની જેમ મંગળને એક દુકાળગ્રસ્ત ગણવામાં આવતો નથી. કેટલીક પરિસ્થિતિમાં પાણી તરલ અવસ્થામાં મંગળ પર મળી રહ્યું છે. વૈજ્ઞાનિકો લાંબા સમયથી માનતા હતા કે ક્યારેક આખા લાલ ગ્રહ પર પાણી ભરપૂર પ્રમાણમાં વહેતું હતું. 3 અરબ વર્ષ પહેલાં જળવાયુમાં આવેલા મોટા ફેરફારના કારણે મંગળનું રુપ બદલાયું હતું. 

2012માં પણ અંતરિક્ષ એજન્સી નાસાને મંગળ પર રોબોટિક ક્યૂરિયોસીટીના પહાડમાં 3 અરબ વર્ષ જૂના કાર્બનિક અણુ મળ્યા હતા. તે એ વાતનો સંકેત આપે છે કે તે સમયે પણ મંગળ પર જીવન રહ્યું હશે.