વોટર વેન્ડિંગ મશીનમાં એક રૂપિયો નાખો અને એક ગ્લાસ ઠંડુ પાણી મળતું હતું, પરંતુ અમદાવાદ કાલુપુર રેલવે સ્ટેશન પર બનાવેલા વોટર પોઇન્ટ ધૂળ ખાઈ રહ્યા છે
સરકારી યોજના પાણીમાં
કાલુપુર સ્ટેશન પર બનેલા વોટર પોઈન્ટ બંધ
સરકારનો ડ્રીમ પ્રોજેક્ટ પાણીમાં
અમદાવાદ કાલુપુર રેલવે સ્ટેશનના પ્લેટફોર્મ પર એક રૂપિયો નાખો અને એક ગ્લાસ પાણી મેળવવાની સુવિધા શરૂ કરવામાં આવી હતી. એક સારા ઉદ્દેશ્ય સાથે આ સુવિધા શરૂ કરવામાં આવી હતી.પ્લેટફોર્મના અલગ-અલગ છેડે વોટર પોઇન્ટ બનાવવામાં આવ્યા હતા. વોટર વેન્ડિંગ મશીનમાં એક રૂપિયો નાખો અને એક ગ્લાસ ઠંડુ પાણી મળતું હતું. જેના કારણે પ્રવાસીઓને શુધ્ધ મિનરલ વોટર અને ઠંડુ પાણી મળતું હતું.
પરંતુ અમદાવાદ કાલુપુર રેલવે સ્ટેશન પર બનાવેલા વોટર પોઇન્ટ ધૂળ ખાઈ રહ્યા છે. લાખો રૂપિયાનો ખર્ચ પાણીમાં ગયો છે. વોટર પોઇન્ટ પર ગંદકી જોવા મળે છે. વોટર વેન્ડિંગ મશીન બંધ હોવાના કારણે હવે પ્રવાસીઓ પ્લેટફોર્મ પર પાણીના પરબ છે ત્યા પાણી ભરવા માટે મજબૂર બન્યા છે.આમ સારા ઉદ્દેશ્યથી શરૂ કરવામાં આવેલી સુવિધા પર હવે પાણી ફરી વળ્યુ છે.
ટ્રેનના મુસાફરોની મુશ્કેલીમાં વધારો
હવે પ્રવાસીઓ પ્લેટફોર્મ પર પાણીના પરબ છે ત્યારથી પાણી ભરવા જવું પડે છે. ટ્રેનમાંથી પ્રવાસી ઉતરે એટલે સામે વોટર વેન્ડિંગ મશીનના મુકવામાં આવ્યા હતા. જેના કારણે ટ્રેન ઉપડે તે પહેલાં પાણી પી અથવા તો બોટલ ભરની ફરી ટ્રેનમાં બેચી શકતા હતા. પરંતું વોટર વેન્ડિંગ મશીન બંધ હોવાના કારણે પ્રવાસીઓને સુવિધા નહિ મળે અને ફરી શરૂ થશે કે નહીં તે પણ સવાલ છે