જો કે ઉકાઈ ડેમમાંથી 75 હજાર ક્યુસેક પાણી તાપી નદીમાં છોડાશે. જ્યારે હાલ ડેમમાંથી હાઈડ્રો પાવર પ્લાન્ટ દ્વારા 24 હજાર ક્યુસેક પાણી છોડાયું છે. ત્યારે જિલ્લા કલેક્ટર દ્વારા આ માહિતી આપવામાં આવી છે. 10 ગેટ 3 ફૂટ જ્યારે 1 ગેટ 2 ફૂટ ખોલી પાણી છોડાયું. તો હાઇડ્રો પાવર પ્લાન્ટ મારફતે 25,000 ક્યુસેક પાણી છોડાયુ. જેને લઈને સુરત અને નીચાણવાળા વિસ્તારોને અલર્ટ કરાયા છે.
સુરત જિલ્લા કલેક્ટર ધવલ પટેલે ઓડિયો મેસેજ દ્વારા ઉકાઇ ડેમને લઇને ડેમમાંથી પાણી છોડવાને લઇને જાહેરાત કરી હતી. તેમણે કહ્યું કે, ઉકાઇ ડેમમાંથી 75 હજાર ક્યુસેક પાણી છોડવામાં આવશે જેને લઇને કોઇ ખતરો નથી. ખોટી અફવા ફેલાવવી નહીં.
તેમણે જણાવ્યું છે કે, 9 ઓગસ્ટના રોજ ડેમની સપાટી 327.39 ફૂટ છે. હાલ ડેમમાં 6.69 લાખ ક્યુસેક પાણીની આવક થઇ રહી છે. ડેમનું રૂલ લેવલ 335 ફૂટ છે જેથી આઠ ફૂટ જેટલો ડેમ ખાલી છે.
વધુમાં તેમણે જણાવ્યું છે કે, 75 હજારથી વધુ પાણી પણ ડેમમાં છોડવામાં આવી શકે છે. જેની અસર સુરત શહેક કે ગ્રામ્ય વિસ્તારોમાં નહીં થાય. તેથી લોકોએ ખોટી અફવા ન ફેલાવવી અને લોકોને નદી કાંઠી ન જવા સૂચના છે. જોકે, હાલ 35 હજાર ક્યુસેક પાણી છોડવામાં આવ્યું છે.
મહત્વનું છે કે મુશ્કેલીના સમયે જિલ્લા કંટ્રોલ રૂમનો સંપર્ક કરવો. જેનો નંબર 1077 છે. કલેક્ટરના જણાવ્યા અનુસાર, 24 કલાક કંટ્રોલ રૂમ ચલાવવામાં આવી રહ્યો છે.
આમલી ડેમના 6 દરવાજા ખોલાયા
સુરત જિલ્લા અને ઉપરવાસમાં વરસાદથી અનેક ડેમ છલકાયા છે. ત્યારે માંડવીના આમલી ડેમ પૂર્ણ ભરતા 6 દરવાજા ખોલાયા છે. ભારે વરસાદને લઇ પાણીની આવક થતા સીઝનમાં બીજી વખત આમલી ડેમ સંપૂર્ણ ભરાયો છે. અગાઉ પણ ડેમ ભરાઇ જતા દરવાજા ખોલવામાં આવ્યા હતા. ડેમની કુલ ઊંચાઇ 115 મીટર હાલમાં પાણી સપાટી 114.80 મીટરે પહોંચી છે. 6800 ક્યુસેક પાણી છોડવામાં આવી રહ્યું છે. માંડવી તાલુકાના 10થી વધુ ગામને એલર્ટ કરવામાં આવ્યા છે.