વડોદરા / વિશ્વામિત્રી નદીમાં પાણીની આવક થતા તંત્રએ એલર્ટ જાહેર કર્યું

વડોદરમાં ફરી વરસાદની શરૂઆત થઈ છે.. ભારે વરસાદ થતા વિશ્વામિત્રી નદીની સપાટીમાં વધારો થયો છે.. વિશ્વામિત્રી નદીમાં 8300 ક્યુસેક પાણીની આવક થઈ રહી છે.. ત્યારે હવે નદીની સપાટી વધીને 16 ફૂટ પર પહોંચી છે.. આજવા અને પ્રતાપપુરા સરોવરમાંથી નદીમાં પાણી છોડવામાં આવી રહ્યુ છે.. જેને લઈને નદીની સપાટીમાં વધારો થઈ રહ્યો છે.. નદીમાં પાણીની આવક થતા નીચાણવાળા વિસ્તારોને એલર્ટ રહેવાની સૂચના અપાઈ છે.. સાથે જ શાળા-કોલેજોના વિદ્યાર્થીઓને રજા આપવાના આદેશ અપાયા છે.. હવામાન વિભાગની આગાહીને લઈને NDRFની બે ટીમ વડોદરામાં તૈનાત કરાઈ છે... સાથે જ ડભોઈમાં SDRFની ટીમ પણ તૈનાત કરાઈ છે..