અનોખી પ્રથા: ભારતની આ જગ્યાએ રંગોથી રમી હોળી તો કરવા પડે છે લગ્ન

હોળી આમ તો રંગોનો તહેવાર છે. આ દિવસે લોકો રંગોથી એક બીજાને રમાડે છે. આ વાતથી ઊંધું કેટલીક જગ્યા એવી પણ છે જ્યાં રંગોથી હોળી રમવા પર મનાઇ છે. આ પાછળ કારણ ખૂબ જ રસપ્રદ છે. 
 

ઝારખંડના જમશેદપુરના આદિવાસી બહુલ વિસ્તારોમાં રવિવાર રાતથી જ પાણીની હોળી રમાઇ રહી છે. જે આજ સવાર સુધી ચાલુ છે. ઘણી સંખ્યામાં દરેક ઉંમરના લોકો રાતથી જ પાણીની હોળી રમી રહ્યા છે. 
 

આદિવાસી સમાજમાં માન્યતા છે કે જો કોઇ છોકરો અથવા છોકરી રંગથી હોળી રમે છે અને એકબીજા પર રંગ નાંખે છે તો એમને એકબીજા સાથે લગ્ન કરવા પડે છે. આ પ્રથા સદીઓથી આ સમુદાયમાં પ્રચલિત છે. 
 

પોતાના પ્રથાને યથાવત રાખતા અહીંના આદિવાસી રંગની જગ્યાએ પાણીથી હોળી રમે છે. ઢોલ-નગારા સાથે છોકરા-છોકરી, નાચતા-ગાતા એક બીજા પર પાણી નાંખએ છે. આ વાતનો કોઇ વિરોધ પણ કરતું નથી. 
 

રાતે નાચતા-ગાતા અને પાણી નાંખતા છોકરા-છોકરી એક બીજા પર સવાર સુધી પાણીની જ હોળી રમે છે. આ સમયે તેઓ આદિવાસી ડ્રેસ પહેરીને, ઢોલ-નગારાની સાથે ગામમાં જાગતા રહે છે. પછી એક બીજા પર પાણી નાંખીને હોળી ઊજવે છે.