રાજ્યમાં રોજે રોજ પાણીનાં પોકાર સામે આવી રહ્યાં છે. નવસારી જિલ્લામાં આવેલું મોવાસા ગામ પાણી માટે વલખાં મારે છે. એક બેડું પાણી ભરવા માટે મહિલાઓને દોઢ કિલોમીટર પગપાળા જવું પડે છે. ત્યારે કેવી છે આ મોવાસાની પાણી સમસ્યા તે જોઈએ અહીં.
પાણીની સમસ્યાથી નવસારીનાં મોવાસા ગામની હાલત દયનીય છે. પીવાનું પાણી મેળવવા માટે ગામની બહેનોનો દોઢ કિલોમીટર દૂર પગપાળા જવું પડે છે ત્યારે એક બેડું પાણી હાથ લાગે છે. અઢી હજારની વસતી ધરાવતાં આ ગામમાં માત્ર એક જ કૂવો છે અને તેનું પાણી પણ ખૂબ ગંદુ છે.
મોવાસા એ નવસારી જિલ્લાનું છેલ્લું ગામ છે. જ્યાં 8 વર્ષ પહેલાં 1 કરોડનાં ખર્ચે દેવધા ડેમનું પાણી એક્સપ્રેસ હાઈવે પાઈપલાઈન જોડીને ગામમાં પાણી લાવવામાં આવ્યું હતું. પરંતુ વારંવાર પાઈપલાઈન લીકેજ થતાં યોજના સફળ ન હોતી રહી. તો ગામમાં મનરેગા યોજના હેઠળ સિમેન્ટ કોન્ક્રીટનું તળાવ બનાવ્યું પણ તેમાં પણ પાણી ખારું થઇ ગયું છે. જો નહેરનું પાણી ગામનાં લોકોને મળે તો રાહત મળે તેમ છે.
આમ, દક્ષિણ ગુજરાતનાં નવસારી ગામની પાણી સમસ્યા દિવસે ને દિવસે વકરી રહી છે. સરકારને આ નાનકડા ગામની પાણી સમસ્યા દેખાતી જ નથી. ત્યારે લોકોને આ સમસ્યાનો સામનો કરવા સિવાય છૂટકો જ નથી.