બોલિવૂડ એક્ટ્રેસ સારા અલી ખાન હાલ ખૂબ જ ચર્ચામાં છે. તેની તસવીરો સોશિયલ મીડિયા પર ધૂમ મચાવી રહી છે અને ફેન્સને ખૂબ જ પસંદ આવી રહી છે. તે હાલ માલદીવમાં ફેમિલી સાથે વેકેશન એન્જોય કરી રહી છે. ત્યાંના ફોટોઝ અને વીડિયો તે સોશિયલ મીડિયા પર શેર કરી રહી છે. પૂલમાં મસ્તી કરતી તસવીરો હાલમાં જ સામે આવી હતી. હવે હવે સારાએ કેટલીક અન્ય હોટ તસવીરો શેર કરી છે, જે તેની મમ્મી અમૃતા સિંહે જ ક્લિક કરી છે.
આ તસવીરોમાં સારા બિકની પહેરીને પોઝ આપી રહી છે અને આ તસવીરો માટે સારાએ કેપ્શન આપ્યું છે, 'સમુંદર મેં નહા કે....', સાથે જ તેણે તસવીર માટે મમ્મી અમૃતાને ક્રેડિટ પણ આપી છે. ફેન્સ સારાની આ તસવીરોને ખૂબ જ પસંદ કરી રહ્યા છે અને પ્રતિક્રિયાઓ આપી રહ્યા છે. ત્યારે એક યુઝરે સારાની આ તસવીરો જોઈ કમેન્ટ કરી કે, 'વેકેશન પર માત્ર બિકની કલેક્શન જ લઈને ગઈ છે કે શું'
વર્કફ્રંટની વાત કરીએ તો, સારા કાર્તિક આર્યનની સાથે ઇમ્તિયાઝ અલીની ફિલ્મ 'લવ આજ કલ 2' માં જોવા મળશે. સારા અલી ખાન વરૂણ ધવનની કુલી નંબર 1ની રિમેકમાં પણ કામ કરી રહી છે. એવું પણ કહેવાય રહ્યું છે કે, સારા રોહિત શેટ્ટીની ગોલમાલ સીરિઝમાં પણ કામ કરી શકે છે.