સુરતના અડાજણ વિસ્તારમાં 3 વર્ષની બાળકી દુષ્કર્મનો શિકાર બની છે. સોસાયટીના વોચમેને તેની સાથે દુષ્કર્મ આચર્યું હોવાનું સામે આવ્યું. સીસીટીવીના આધારે પોલીસે કરી વોચમેનની ધરપકડ
3 વર્ષની બાળકી સાથે આચર્યું દુષ્કર્મ
સોસાયટીના વોચમેને બાળકીને બનાવી હવસનો શિકાર
CCTVને આધારે પોલીસ કર્યો પર્દાફાશ
સુરતમાં વધી રહેલી ગુનાખોરી હવે એક ચિંતાનો વિષય બન્યો છે. કારણકે અહીયા હત્યા અને દુષ્કર્મ જેવા ગુનાતો દિવસેને દિવસે વધી રહ્યા છે. ત્યારે વધુંમાં ફરી એક વાર શહેરના અડાજણ વિસ્તારમાં એક દુષ્કર્મની ઘટના સામે આવી છે. સાંભળીને તમને નવાઈ લાગશે કે 3 વર્ષની બાળકી અહીયા દુષ્કર્મનો શિકાર બની છે.
બપોરના સમયે બાળકી ગુમ થઈ
બાળકી સુરતના અડાજણ વિસ્તારમાં રહેતી હોવાનું સામે આવ્યું છે અને તે જે સોસાયટીમાં રહેતી હતી તે સોસાયટીના ચોકીદારેજ તેને પોતાની હવસનો શિકાર બનાવી છે. બાળકીના પિતા મજૂરી કામ કરીને પોતાનું ગુજરાન ચલાવતા છે. ગઈકાલ બપોરના 2 વાગ્યે બાળકી ગુમ થઈ હતી. જેવી તેના માતા પિતાને આ વાતની ખબર પડી કે તેમણે બાળકીને શોધવાની શરૂ કરી.
સીસીટીવીમાં બાળકી છેલ્લે વોચમેન સાથે દેખાઈ
માતા પિતાએ પોલીસની મદદ લીધી અને પોલીસે સીસીટીવીને આધારે તપાસ આરંભી હતી. સીસીટીવીમાં બાળકી છેલ્લી વખત વોચમેન સાથે દેખાઈ હતી. જેથી પોલીસને તેના પર પહેલાથી શંકાની સોય હતી. આસપાસમાં આવેલ કન્સ્ટ્રકશન સાઈટ પર પોલીસે તપાસ કરી. ત્યારે એક સાઈટ પરથી બાળકી મળી આવી.
બેભાન હાલતમાં બાળકી મળી આવી
જોકે બાળકી બેભાન હાલતમાં મળી આવી હતી. જેથી પોલીસે તેને તાત્કાલીક હોસ્પિટલમાં સારવાર અર્થે ખસેડી. હોસ્પિટલ ખસેડ્યા બાદ પોલીસે આરોપી વોચમેનને ઝડપી પાડ્યો છે. સાથેજ તેની સામે કાયદેસરની કાર્યવાહી આરંભી છે. પરંતુ બાળકીને હાલ જોઈને હાલ તેના માતાપિતા પર આભ તૂટી પડ્યું છે.
સુરતમાં વધતી ગુનાખોરી ગંભીર પ્રશ્ન
ઉલ્લેખનય છે કે સુરતમાં વધતી ગુનાખોરી સમાજ માટે એક ગંભીર પ્રશ્ન બન્યો છે. અવારનાવર અહીયા બાળકીઓ સાથે દુષ્કર્મના બનાવો બને છે. જેના કારણે બાળકીઓની સુરક્ષાને લઈને પણ ઘણા સવાલો ઉભા થયા છે. જોકે વધતી જતી ગુનાખોરીને કારણે પોલીસ પણ હવે એકશન મોડમાં આવી ગઈ છે અને આરોપીઓને ટૂંકા ગાળામાં ઝડપી પાડે છે.