ચૂંટણી રણ / VIDEO : યુપીમાં પ્રચાર કરતા કરતા પ્રિયંકા-અખિલેશ આવ્યાં સામસામે, પછી થયું આવું, જુઓ દિલચસ્પ વીડિયો

• યુપી વિધાનસભાની ચૂંટણીમાં ભાગ્યે જ બનતી ઘટના બની
•  બુલંદશહેરમાં પ્રિયંકા ગાંધી અને અખિલેશ સામસામે આવ્યાં 
• બન્નેએ હાથ હલાવીને એકબીજાનું અભિવાદન કર્યું 

યુપીમાં ચૂંટણી પ્રચારમાં એક દિલચસ્પ નજારો આજે જોવા  મળ્યો છે. યુપીમાં તમામ પાર્ટીઓ પોતપોતાના અંદાજમાં જોરદાર પ્રચાર કરી રહી છે. પરંતુ ક્યારેક વિરોધી પાર્ટીઓના નેતાઓ અજાણતા એકબીજાની સામે આવી જાય ત્યારે કેવું થાય તેની એક ઘટના બની છે. એક બાજુ કોંગ્રેસ  મહાસચિવ પ્રિયંકા ગાંધી અને બીજી બાજુ સપા અધ્યક્ષ અખિલેશ યાદવ પોતપોતાની પાર્ટીના પ્રચારમાં વ્યસ્ત છે ત્યારે બુલંદશહરમાં પ્રિયંકા ગાંધી, અખિલેશ અને તેમના સાથી આરએલડી ચીફ જયંત ચોધરી સામસામા આવી ગયા હતા. 

#WATCH | Bulandshahr | Congress general secretary Priyanka Gandhi Vadra and SP chief Akhilesh Yadav-RLD chief Jayant Chaudhary wave at and greet each other after they came face to face during their respective election campaigns for #UttarPradeshElection2022 pic.twitter.com/OWV3IlKT0v

— ANI UP/Uttarakhand (@ANINewsUP) February 3, 2022

 બુલંદશહેરમાં પ્રિયંકા ગાંધી અને અખિલેશ સામસામે આવ્યાં 
અખિલેશ અને જયંત બુલંદશહેરમાં પ્રચાર કરવા આવ્યાં હતા પરંતુ જેવો પ્રિયંકા ગાંધીનો કાફલો તેમની સામે આવ્યો કે બન્ને અટકી ગયા અને પછી એકબીજાની સામે હાથ હલાવ્યાં. આ નજારો જોઈને બન્ને પાર્ટીના સમર્થકો અને કાર્યકરો ખુશીથી ઝૂમી ઉઠ્યાં હતા. આ ઘટનાનો એક વીડિયો સોશિયલ મીડિયા પર વાયરલ થયો છે. 

બન્ને મોટા નેતાઓનો અંદાજ હવે ચર્ચાનો વિષય બન્યો

બન્ને મોટા નેતાઓનો આ અંદાજ હવે ચર્ચાનો વિષય બન્યો છે. કારણ કે કોઈ પણ જાતના ગઠબંધન વગર કોંગ્રેસ અને સપાની વચ્ચે એક અંડરસ્ટેન્ડિંગ ચાલી રહી છે. કોંગ્રેસ અખિલેશ જે સીટ પરથી લડી રહ્યાં છે ત્યાં કોઈ ઉમેદવાર ઉતાર્યાં નથી. અખિલેશ મેનપુરની કરહલ બેઠક પરથી ચૂંટણી લડી રહ્યાં છે.