લોકપ્રિયતા / ક્રિકેટના મેદાનની બહાર પણ કોહલી બન્યો 'વિરાટ', મેળવી આ સિદ્ઘિ

વાસ્તવમાં ટ્વિટર પર વિરાટ કોહલીના ફૉલોઅર્સની સંખ્યા 30 મિલિયન એટલે કે 3 કરોડ થઇ ગઇ છે. આ સાથે વિરાટ કોહલીએ માસ્ટર બ્લાસ્ટર સચિન તેંડુલકરને ટ્વિટર પર પાછળ છોડી દીધા છે. 

હાલમાં વિરાટ કોહલીના ટ્વિટર પર 30.1 મિલિયન ફોલોઅર્સ છે, તો સચિન તેંડુલકરના 29.4 મિલિનય ફોલોઅર્સ છે. આ સિવાય મહેન્દ્ર સિંહ ધોનીના ટ્વિટર પર લગભગ 8 મિલિયન ફોલોઅર્સ છે. 

કેપ્ટન વિરાટ કોહલી સોશ્યલ મીડિયા પર ખૂબ જ એક્ટિવ રહે છે, તે ઘણી વખત પોતાની ફિટનેસ અને ફેશનથી જોડાયેલી ફોટો શૅર કરે છે. એવામાં ટ્વિટર પર 3 કરોડ ફૉલોઅર્સની સંખ્યા થતા કોહલીએ ફેન્સનો આભાર માન્યો હતો.

also my reaction when we crossed 30 million on Twitter. 👀 Thanks for all the love and support everyone. 🙏🏼😊 #30MillionStrong 💪 pic.twitter.com/TGOrUQvWac

— Virat Kohli (@imVkohli) June 19, 2019

કેપ્ટન કોહલીએ એક ટ્વિટ કર્યુ છે જેમાં તે આશ્ચર્યચકિત દેખાઇ રહ્યો છે, તેનો આ વીડિયો વર્લ્ડ કપમાં ઓસ્ટ્રેલિયાની વિરુદ્ઘ રમાયેલી મેચનો છે. વાસ્તવમાં આ વીડિયો ધોનીએ સિક્સર ફટકારતા સમયનો છે. ધોનીએ લાંબી સિક્સર ફટકારી જેને જોઇને કોહલી પણ ચોંકી જાય છે. 

વિરાટ કોહલીએ ટ્વિટર પર વીડિયો કેપ્શન આપતા કહ્યુ કે, ''ટ્વિટર પર 30 મિલિયન ફોલોઅર્સ થવાની સાથે આ મારું રિએક્શન છે. તમામને પ્રેમ અને સમર્થન માટે આભાર.''