સોશિયલ મીડિયા પર એક બાળકનો વીડિયો વાયરલ થઈ રહ્યો છે.
સોશિયલ મીડિયા પર ફની વીડિયો વાયરલ
બાળકને ટીંગાટોળી કરી લાવ્યા સ્કૂલમાં
વીડિયો જોઈને હસવું નહીં રોકી શકો
બાળપણમાં દરેક બાળકે સ્કૂલ જતી વખતે ખૂબ ડ્રામા કર્યા હશે. અમુક જ બાળકો એટલા સીધા હતા કે જે ચુપચાપ સ્કૂલ જતા હશે. એવામાં બાળકોને સ્કૂલ મોકલવા માતા-પિતા માટે ખૂબ પડકાર ભર્યુ કામ બની જાય છે. હાલમાં જ સોશિયલ મીડિયા પર એક ખૂબ જ ફની વીડિયો વાયરલ થઈ રહ્યો છે. જેમાં બાળકને ટીંગાટોળી કરીને સ્કૂલમાં લઈ જઈ રહ્યા છે.
સ્કૂલમાં થઈ દમદાર એન્ટ્રી
આ વાયરલ વીડિયોમાં એક મહિલા અને અમુક બાળકો એક બાળકને ટીંગાટોળી કરીને સ્કૂલની અંદર લઈ જતા જોવા મળી રહ્યા છે. બાળકના નખરા બાદ તેના માતાએ તેને સ્કૂલ મોકલવાની અનોખી રીત શોધી કાઢી હતી. અને તેને ટીંગાટોળી કરીને સ્કૂલે મુકવા આવી હતી. સ્કૂલમાં આવી દમદાર એન્ટ્રી જોઈને તમે હસવું નહીં રોકી શકો.
યુનિફોર્મ દ્વારા થઈ ઓળખ
આ વીડિયો કોઈ ગ્રામીણ સ્કૂલમાં બનાવવામાં આવ્યો છે. તેમાં દેખાઈ રહેલા બાળકોએ સ્કૂલ યુનિફોર્મ પહેર્યો છે અને અમુક પોતાના ખભા પર સ્કૂલ બેગ પણ લટકાવીને ફરી રહ્યા છે. સોશિયલ મીડિયા સાઈટ ટ્વિટર પર આ વીડિયો આઈએએસ ઓફિસર અવનીશ શરણે શેર કર્યો છે. આ વીડિયોને અત્યાર સુધી 48 હજારથી પણ વધારે લોકોએ જોઈ લીધો છે.