VIDEO / વિરાટ કોહલી ગુજરાતીમાં એવું બોલ્યો કે હાર્દિક અને અક્ષર હસી પડ્યા, વીડિયો થયો વાયરલ

• વિરાટ કોહલીએ અક્ષર પટેલના ગુજરાતીમાં કર્યા વખાણ
• વીડિયો થયો વાયરલ
• હાર્દિક પંડ્યા અક્ષરનો લઈ રહ્યો હતો ઇન્ટરવ્યૂ

ઈંગ્લેન્ડ સામે અમદાવાદના નરેન્દ્ર મોદી સ્ટેડિયમ ખાતે ડે નાઇટ ટેસ્ટ મેચમાં ભારતને 10 વિકેટે જીત અપાવનાર લોકલ બોય અક્ષર પટેલનો અગત્યો ફાળો રહ્યો છે. અક્ષરે પહેલી ઇનિંગમાં 6 વિકેટ અને બીજી ઇનિંગમાં 5 વિકેટ સાથે બ્રિટિશરોને બેકફૂટ પર ધકેલી દીધા હતા.

હાર્દિક પંડયા પૂછી રહ્યો હતો સવાલ

મેચ પૂરી થયા બાદ સ્ટાર ઓલરાઉન્ડર હાર્દિક પંડ્યાએ બીસીસીઆઈ ટીવી (BCCI.TV) પર અક્ષરનો ઇન્ટરવ્યુ લીધો હતો. પંડ્યા બોલિંગ ઓલરાઉન્ડર અક્ષરને તેની બોલિંગ અને મેચ વિશે પૂછતો હતો. આ દરમિયાન ટીમ ઈન્ડિયાના કેપ્ટન વિરાટ કોહલીએ એવું કૃત્ય કર્યું કે હાર્દિક અને અક્ષર પોતાને હસતાં રોકી શક્યા નહીં.

DO NOT MISS: @hardikpandya7 interviews man of the moment @akshar2026.👍👍 - By @RajalArora

P.S.: #TeamIndia skipper @imVkohli makes a special appearance 😎@Paytm #INDvENG #PinkBallTest

Watch the full interview 🎥 👇 https://t.co/kytMdM4JzN pic.twitter.com/QLJWMkCNM5

— BCCI (@BCCI) February 26, 2021

ઘટનાનો વીડિયો થયો વાયરલ

આ દરમિયાન કોહલી પાછળથી ધીરે ધીરે આવ્યો, જેને હાર્દિકે જોયો હતો. વિરાટે હાર્દિક પાસેથી માઇક લીધું અને ગુજરાતીમાં અક્ષરની પ્રશંસા કરતાં કહ્યું હતું કે 'આયે બાપુ થારી બોલિંગ કમાલ છે'. આ ઘટના બાદ અક્ષર, કોહલી અને હાર્દિક ખૂબ જોરમાં સાથે હસી પડ્યા હતા. હાર્દિકે કહ્યું કે વિરાટને નવું-નવું ગુજરાતી શીખવાની જરૂર મળી છે. આ ઘટનાનો વીડિયો વાયરલ થયો છે.