નિવેદન / VIDEO : અમારા ચપ્પલ ઉઠાવે છે બ્યૂરોક્રેશી.. ઉમા ભારતીનું વિવાદીત નિવેદન, વીડિયો વાયરલ

• ભાજપ નેતા અને મધ્યપ્રદેશના પૂર્વ મુખ્યમંત્રી ઉમા ભારતીનું નિવેદન
• અમલદારશાહી પર એક નિવેદન આપીને વિવાદ ઊભો કર્યો ઉમા ભારતીએ
• કહ્યું બ્યૂરોક્રેશી કંઈ નથી, ફક્ત અમારા ચપ્પલ ઉઠાવે છે

ઉમા ભારતીનો એક વીડિયો વાયરલ થઈ રહ્યો છે જેમાં તેઓ કહેતા જોઈ શકાય છે કે તમને ગેરસમજણ છે બ્યૂરોક્રેશી કંઈ નથી, ફક્ત અમારા ચપ્પલ ઉઠાવે છે. અમે લોકો જ રાજી થઈ જઈએ છીએ. તેને માટે કારણ કે અમને સમજાવાય છે કે તમારો બહુ મોટો ખેલ થઈ જશે.

#NewsAlert | Uma Bharti stokes fresh controversy. 'Bureaucrats lift our slippers'.

Details by Govind. pic.twitter.com/LE2yNwDSfO

— TIMES NOW (@TimesNow) September 20, 2021

ઉમા ભારતીએ કહ્યું કે તમને શું લાગે છે, બ્યૂરોક્રેશી નેતાને ઘુમાવે છે... નહીં નહીં, એકાંતમાં વાત થઈ જાય છે અને પછી બ્યૂરોક્રેશી ફાઈલ બનાવીને લઈ આવે છે. જોકે આ વીડિયો ક્યારનો છે તે હાલમાં સ્પસ્ટ થઈ શક્યું નથી. 

વીડિયો વાયરલ થયા બાદ કોંગ્રેસ પાર્ટીએ તેની ઘોર ટીકા કરતા જણાવ્યું કે સરકારી અધિકારીઓ માટે આવી ભાષા ન વાપરવી જોઈએ. ઉમા ભારતીએ તેમના શબ્દો વાપસ લેવા જોઈએ. 

જાતિ આધારિત વસતી પર શું બોલ્યા ઉમા ભારતી
ઉમા આ વીડિયોમાં એવું પણ કહેતા જોવા મળે છે કર્ણાટકમાં જે પ્રયોગ થયો લિંગાયત સમાજનો... શરદ યાદવ સાથે  મારી વાત થઈ છે જેમાં બધા લોકો શિવલિંગની ઉપાસના કરતા જોવા મળ્યાં, રોટી બેટી કરવા લાગ્યા. તેનું પરિણામ એવું આવ્યું કે બધા ઓબીસી કહેવાયા બીજુ કશું નહી. હવે તેમની વગર કોઈ મુખ્યમંત્રી ન બની શકે. જાતિ આધારિત વસતી થવાની છે, દબાણ આવશે તો થઈ જશે. તમે લોકો એક દેવતા, એક પૂજા વિધા અને અરસપરસ રોટી અને બેટી... તમારી તાકાત વધી જશે નહીંતર આવા જ્ઞાપન આપતા રહેજો.