વાયરલ / VIDEO: બાબુજી, જરા ધીરે ચલો... પર શિખર-ચહલના ઠુમકા, સાથે આપ્યો ખાસ મેસેજ

• શિખર ધવન અને યુઝવેન્દ્ર ચહલ સો.મીડિયામાં ખૂબ સક્રિય
• નેશનલ ક્રિકેટ એકેડમીમાં બંનેએ કરી મસ્તી
• દમ ફિલ્મનુ ફેમસ ગીત બાબૂ જી જરા ધીરે ચલો પર કરી રહ્યાં છે ડાન્સ

ધવને તેના ઈન્સ્ટાગ્રામ પેજ પર એક વીડિયો શેર કર્યો

આઈપીએલ 2022 પહેલા અત્યારે ભારતીય ટીમના ઘણા ખેલાડી બેંગલોરમાં નેશનલ ક્રિકેટ એકેડમીમાં ફિટનેસને જાળવવામાં લાગી ગયા છે. જેમાં ધવન, ચહલ, સૂર્ય કુમાર યાદવ, ભુવનેશ્વર કુમાર, શાર્દૂલ ઠાકુર અને કેએલ રાહુલ સામેલ છે. ધવને તેના ઈન્સ્ટાગ્રામ પેજ પર એક વીડિયો શેર કર્યો છે, જેમાં તે ચહલની સાથે દમ ફિલ્મનુ ફેમસ ગીત બાબૂ જી જરા ધીરે ચલો પર ડાન્સ કરી રહ્યાં છે. ભારતીય ટીમમાં ગબ્બરના નામથી જાણીતા શિખર ધવને વીડિયોની સાથે એક મેસેજ લખ્યો, અમારી આજુબાજુ અમારી સેવા કરનારા લોકોને તેના જીવનનો ભાગ બનાવી, તેમને ખુશી આપીને જે આનંદ મળે છે તેની મજા જ કઈક અલગ છે અને પાછળથી ભુવનેશ્વર પણ એન્જોય કરી રહ્યાં છે. ભારતીય ટીમના ફાસ્ટ બોલર ભુવનેશ્વર કુમાર પાછળથી બારીમાંથી આ ડાન્સ જોઈને જોવા મળી રહ્યાં છે. વીડિયોને સીડી પર શૂટ કરવામાં આવ્યો છે. ધવન અને ચહલની આ જુગલબંધી પર યુઝર્સ ખૂબ કોમેન્ટ કરી રહ્યાં છે. 

 

 

 

 

View this post on Instagram

 

 

 

 

 

 

 

 

 

 

 

A post shared by Shikhar Dhawan (@shikhardofficial)

ધવન અને ચહલ ફ્રેન્ચાઈઝી માટે રમશે 

ઈન્ડિયન પ્રીમિયર લીગની 15મી સિઝનમાં ધવન અને ચહલ નવી ફ્રેન્ચાઈઝી માટે રમતા જોવા મળશે. ધવન આ વખતે પંજાબ કિંગ્સ તરફથી ઈનિંગની શરૂઆત કરતા જોવા મળશે તો ચહલ રાજસ્થાન રૉયલ્સ તરફથી વિકેટ ખેરવતા જોવા મળશે. રાજસ્થાન આઈપીએલ 2022 મેગા ઓક્શનમાં ચહલને 6.5 કરોડ રૂપિયામાં ખરીદશે જ્યારે પંજાબે ધવનને 8.25 કરોડ રૂપિયામાં પોતાની સાથે જોડ્યુ છે.