ક્રિકેટર શિખક ધવન જેટલો તેની શાનદાર રમત અને મેદાન પરના પ્રદર્શનને કારણે ચર્ચામાં રહે છે. તેટલો જ તે પોતાની અંગત જિંદગીને લઈને પણ ચાહકોમાં ચર્ચામાં રહે છે. શિખર ધવનનો એક વીડિયો સોશિયલ મીડિયા પર ખૂબ વાયરલ થઈ રહ્યો છે. વીડિયોમાં શિખર ધવનના પિતા તેના ગાલ પર થપ્પડ મારતા અને તેને લડતા જોવા મળે છે.
વાયરલ વીડિયોમાં ધવન મનોજ બાજપેયીનો એક ડાયલોગ બોલે છે
આમાં તે તેના પિતા સાથે જોવા મળે છે. જેમાં ધવન મનોજ બાજપેયીનો એક ડાયલોગ બોલતો જોવા મળે છે. જે બાદ તેના પિતા થપ્પડ મારી રહ્યા છે અને ધવનને કામ કરવાનું કહી રહ્યા છે. ચાહકોને આ વીડિયો ખૂબ જ પસંદ આવી રહ્યો છે. આ વીડિયોના કેપ્શનમાં શિખરે લખ્યું, પિતા હંમેશા પિતા જ હોય છે.
પિતા-પુત્રની આ કેમેસ્ટ્રી સોશિયલ મીડિયા પર ખૂબ વાયરલ થઈ રહી છે
આ વીડિયો શિખર ધવને પોતે પોતાના ઈન્સ્ટાગ્રામ પર શેર કર્યો છે. વાસ્તવમાં શિખર ધવનને ફની રીલ્સ અને વીડિયો બનાવવાનો શોખ છે. શિખર ધવન આ વીડિયો તેના ફેન્સ સાથે શેર કરે છે, જે ખૂબ વાયરલ પણ થાય છે. ધવનને ઈન્સ્ટાગ્રામ પર રીલ બનાવવાનો શોખ છે અને આ વખતે તેણે તેના પિતા સાથે રીલ બનાવી છે. આ સાથે જ ફેન્સ શિખરના આ વીડિયોને જોરદાર લાઈક અને કોમેન્ટ કરી રહ્યા છે. જણાવી દઈએ કે શિખર ધવને થોડા મહિના પહેલા જ તેની પત્ની સાથે છૂટાછેડાની જાહેરાત કરી હતી.