આતંકવાદને પ્રોત્સાહન આપતા પાકિસ્તાનના હાલ બેહાલ થયાં છે, પ્રધાનમંત્રી ઈમરાન ખાને પણ વાતનો સ્વીકાર કર્યો છે કે, દેશ આર્થિક તંગીથી પીડાઈ રહ્યો છે, ત્યારે રૂવાંડા ઉભા કરી દે તેવો એક વીડિયો સામે આવ્યો છે.
આતંકવાદને પ્રોત્સાહન આપતા પાકિસ્તાનના હાલ થયા બેહાલ
કરાંચીના એક પ્રાણી સંગ્રહાલયમાં પ્રાણીઓ ભૂખથી તડપી રહ્યાં છે
આ વીડિયો સોશિયલ મીડિયામાં થયો ખૂબ વાયરલ
પાકિસ્તાનની આર્થિક રાજધાની કરાંચીના એક પ્રાણી સંગ્રહાલયમાં જાનવરો ભૂખથી તડપી રહ્યા છે, આ વીડિયો સોશિયલ મીડિયામાં ખૂબ વાયરલ થઈ રહ્યો છે અને લોકો પાકિસ્તાન સરકાર વિરૂદ્ધ કમેન્ટ બોક્ષમાં ભડાસ કાઢી રહ્યા છે. તો પ્રાણી સંગ્રહાલય બંધ કરવાની પણ અપીલ કરી રહ્યા છે.
સોશિયલ મીડિયામાં વીડિયો થયો વાયરલ
વાયરલ થઈ રહેલ વીડિયો ક્લીપમાં કરાંચીનું એક પ્રાણી સંગ્રહાલયમાં સિંહ ખૂબ જ અશક્ત જણાઈ રહ્યો છે, લાગી રહ્યું છે જાણે છેલ્લા કેટલાય દિવસથી તેણે કાંઈ જ ખાધું ન હોય, CDRS બેંજી પ્રોજેક્ટ ફોર એનિમલ વેલફેર પાકિસ્તાનની કન્ટ્રી ડાયરેક્ટર કાટ્રિના હુસેને પોતાના ટ્વીટર એકાઉન્ટ પર આ વીડિયો શેર કરતા લખ્યું છે કે, જો જાનવરો સાથે આવો વ્યવહાર કરો છો તો આપણને પ્રાણી સંગ્રહાલય ચલાવવાનો કોઈ જ અધિકાર નથી. જાનવરોની સ્થિતિ દિવસેને દિવસે દયનીય થતી જાય છે.
We have no right to zoos if this is how we treat animals....Karachi Zoo fails to pay food suppliers....The animals are already in awful shape.
My heart is breaking. Let's shut down all zoos @murtazawahab1pic.twitter.com/lBZNFnDqO5
હુસૈને આગળ લખ્યું, 'મારું દિલ તૂટી રહ્યું છે. ચાલો બધા ઝૂ બંધ કરીએ.’ વન્યજીવ નિષ્ણાત ઈરમ અઝીમ ફારુકે પોતાની પોસ્ટમાં કહ્યું, ‘કરાંચી ઝૂ તાત્કાલિક બંધ કરી દેવુ જોઈએ. વહીવટીતંત્રને કોઈ શરમ નથી. શું આપણે પાંજરામાં બંધ પ્રાણીઓ સાથે આ રીતે વર્તન કરવું યોગ્ય છે? કરાચી પ્રાણી સંગ્રહાલય ખાદ્ય સપ્લાયર્સ ખાણી-પીણી પહોંચાડવામાં નિષ્ફળ રહ્યું છે. આ જોઈને મારું હૃદય ભાંગી પડ્યું છે. મહેરબાની કરીને તમારો અવાજ ઉઠાવો.' પાકિસ્તાની ચેનલ એઆરવાય ન્યૂઝ અનુસાર, ખોરાકના સપ્લાય માટે જવાબદાર કોન્ટ્રાક્ટરે કરાચી પ્રાણીસંગ્રહાલયના ગેટ પર એક નોટિસ ચોંટાડી છે કે તે ખોરાકનો સપ્લાય કરી શકશે નહીં, કારણ કે કરાચી મ્યુનિસિપલ કોર્પોરેશન (કેએમસી) મંજૂરી આપી નથી.