સત્તામાંથી બેદખલ થયેલા પાકિસ્તાનના પૂર્વ વડાપ્રધાન ઈમરાન ખાન જ્યારથી સત્તા ગઈ છે, ત્યારે કોઈને કોઈ અવસરે ભારતના વખાણ કરી પાકિસ્તાનની હાલની સરકારને ઘેરવાનું કામ કરી રહ્યા છે.
પાકિસ્તાનના પૂર્વ વડાપ્રધાન ઈમરાન ખાને ફરી એક વાર ભારતના વખાણ કર્યા
ભારતના વિદેશમંત્રીઓનો વીડિયો બતાવી કહ્યું આને કહેવાય અસલી આઝાદ દેશ
લાખો પાકિસ્તાનીઓ સામે ભારતના ખોબલે ખોબલે વખાણ કર્યા
પાકિસ્તાનના પૂર્વ વડાપ્રધાન ઈમરાન ખાન પોતાની રેલીઓમાં વિપક્ષ પર ટાર્ગેટ સાધતા ભારતના વખાણ કરતા આવ્યા છે. સત્તા હાથમાંથી જતાં ઈમરાન ખાન ભારતની વિદેશ નીતિ પર ફિદા થઈ ગયા હતા. ત્યારે હવે ફરી એક વાર ઈમરાન ખાને લાખો લોકોની સામે ભારતના વખાણ કર્યા હતા. શનિવારે એક રેલીમાં તેમણે ભારતના વિદેશ મંત્રી એસ. જયશંકરનો એક વીડિયો બતાવતા કહ્યું કે, આને કહેવાય એક સ્વતંત્ર દેશ. ઈમરાન સતત શહબાઝ સરકાર પર અમેરિકા સાથે મળીને તેમને હટાવાનો આરોપ લગાવતા રહ્યા છે. શનિવારે ફરી એક વાર શહબાઝ શરીફની ગઠબંધનવાળી સરકાર આયાતી સરકાર ગણાવી હતી.
Former Pak PM Imran Khan plays out video clip of India's foreign minister Dr S Jaishankar during his mega Lahore Rally on Saturday, pointing out his remarks how India is buying Russian oil despite western pressure. Says, 'yeh hoti hai Azad Haqumat' pic.twitter.com/tsSiFLteIv
ટ્વિટર પર શેર કરીને એક વીડિયોમાં ઈમરાન ખાને કહ્યું કે, હવે હું આપને બે દેશોના વિદેશ મંત્રી બતાવા માગુ છું. પહેલા હિન્દુસ્તાનના વિદેશ મંત્રીને અમેરિકાએ હુકમ આપ્યો કે, આપ રશિયા પાસેથી તેલ ન ખરીદો. ધ્યાનથી સાંભળજો, હિન્દુસ્તાન અમેરિકાનું રણનીતિક સહયોગી છે. આપણા અમેરિકા સાથે કોઈ ગઠબંધન નથી. જ્યારે અમેરિકાએ ભારતને કહ્યું કે, આપ રશિયા પાસેથી તેલ ન ખરીદો, તો ભારતના વિદેશમંત્રીએ શું કહ્યું જુઓ...
લાખો પાકિસ્તાનનીઓને બતાવ્યો જયશંકરનો બિંદાસ જવાબ
ખાને એસ. જયશંકરનો એક વીડિયો પ્લે કર્યો. તેમાં દેખાય છે કે,યુરોપ યાત્રા દરમિયાન જ્યારે જયશંકરને પૂછવામાં આવ્યું કે, શું દેશ હિતમાં આપ યુદ્ધમાં પૈસા લગાવી રહ્યા છો? જયશંકરે તેનો જવાબ આપ્યો કે, શું રશિયા પાસેથી ગેસ ખરીદવો યુદ્ધમાં રૂપિયા લગાવું નથી ? શા માટે ભારતના રૂપિયા અને ભારત આવતું તેલ જ યુદ્ધનું ફંડીંગ છે, યુરોપ જતો ગેસ નહીં ? જો યુરોપિય તથા પશ્ચિમી દેશો અને અમેરિકાને એટલી ચિંતા છે, તો શું તેઓ ઈરાન અને વેનેઝુએલા તેલ બજદારમાં આવવાની મંજૂરી ન આપત ? તેમણે અમારા તેલના અન્ય સ્ત્રોત પણ બંધ કરી દીધા અને પછી કહે છે કે, આપ માર્કેટ નહીં જઈ શકો અને તમારા લોકો માટે સારામાં સારો સોદો નહીં કરી શકો.
આને કહેવાય આઝાદ દેશ
વીડિયો ખતમ થયા બાદ ઈમરાન ખાન બોલ્યા, સાંભળ્યું તમે, જેમને સમજમાં ન આવ્યું હોય તેને સમજાવું. વિદેશ મંત્રીને તેમને કહ્યું કે, રશિયા પાસેથી તેલ ન ખરીદો. જવાબમાં ભારતના વિદેશમંત્રીએ કહ્યું કે, તમે કોણ મને અમને કહેવા વાળા ? યુરોપ રશિયા પાસેથી તેલ ખરીદી રહ્યું છે. અમારા લોકોની જરૂરિયાત છે. અમે ખરીદીશું. આ ને કહેવાય આઝાદ દેશ. ઈમરાને ખાને કહ્યું કે, અમે રશિયા પાસેથી તેલ ખરીદવાની વાત કરી લીધી હતી, પણ આ આયાતીત સરકારની હિંમ્મત ન થઈ.