VIDEO / દિલ્હીમાં બુલેટપ્રૂફ ગાડીઓ છોડીને ઓટોમાં ઓફિસ ઉપડી અમેરિકી મહિલા અધિકારીઓ, કારણ નવાઈનું

• દિલ્હીમાં 4 અમેરિકી મહિલાઓએ દાખલો બેસાડ્યો
• બાઈડન સરકારની બુલેટપ્રુફ ગાડીઓ છોડી દીધી
• પિંક કલરની ઓટો ચલાવીને એમ્બેસી જઈ રહી છે 

દિલ્હીમાં અમેરિકી દૂતાવાસમાં કામ કરતી ચાર ટોચની અમેરિકી મહિલાઓએ એક મોટું ઉદાહરણ પુરુ પાડ્યું છે. ચાર અમેરિકી મહિલાઓએ બાયડન સરકારની સિક્યુરીટી ફગાવીને બુલેટપ્રૂફ કારને બદલે ઓટો ચલાવીને ઓફિસે જવાનું પસંદ કર્યું છે. ટોચની અધિકારીઓ હોવાને નાતે અમેરિકી સરકારે તેમને બુલટપ્રૂફ વાહનો પૂરા પાડ્યાં હતા જોકે તેમને આવી ગાડીઓ છોડી દીધી છે. આ મહિલા અધિકારીઓ દિલ્હીમાં ઓફિસ સુધી ઓટો ચલાવે છે. 

પિંક ઓટોની રાઈડ પસંદ આવી 
આ મહિલા ઓફિસરોને હવે પિંક ઓટોની રાઈડ પસંદ આવી છે. તેઓ જાતે જ ઓટો ચલાવીને ઓફિસે જાય છે. એનએલ મેસન, રુથ, હોલ્મબર્ગ, શેરેન જે કિટરમેન અને જેનિફર બાયવોટર્સનું કહેવું છે કે ઓટો ચલાવવાની મજા તો છે જ, પરંતુ અમેરિકન અધિકારીઓ પણ સામાન્ય લોકો જેવા છે તેનું ઉદાહરણ છે.

The U.S. Embassy’s #autogang is here! Check out our first #DostiMonth video and see these three diplomatic auto rickshaw women drivers hit the Delhi streets!

Tune in every Friday this month for #DostiMonth videos!#USIndiaAt75🇺🇸🇮🇳 pic.twitter.com/0ggfwyokqy

— U.S. Embassy India (@USAndIndia) September 9, 2022

ડિપ્લોમેસી એટલે લોકોની સાથે હળવું મળવું 
અમેરિકાના અધિકારી રૂથ હોલમબર્ગે જણાવ્યું હતું કે, "મારા માટે કૂટનીતિ ઉચ્ચ સ્તરે નથી. ડિપ્લોમસી એટલે લોકોને મળવું, તેમને જાણવા અને તેમની સાથે સંબંધ બાંધવો. ઓટો ચલાવતી વખતે હું આ બધું કરી શકું છું. 

'ભારત આવતાની સાથે જ ઑટો ખરીદી'
એએનઆઇ સાથે વાત કરતા એનએલ મેસને કહ્યું, "જ્યારે હું પાકિસ્તાનમાં હતી ત્યારે હું વૈભવી બુલેટપ્રૂફ કારમાં ફરતી હતી પરંતુ જ્યારે હું બહારથી ઓટોને જોતી ત્યારે મને પણ તેને ચલાવવાનો વિચાર આવતો. આથી ભારત આવતાં જ મેં ઓટો ખરીદી લીધી હતી અને તે ચલાવીને ઓફિસે જવાનું શરુ કર્યું હતું. 

મેક્સિકન રાજદૂત પાસેથી પ્રેરણા
ભારતીય-અમેરિકન ડિપ્લોમેટ શેરેન જે કિટરમેન પાસે ગુલાબી રંગની ઓટો છે. તેના રિયર-વ્યૂ અરીસામાં અમેરિકા અને ભારતના ધ્વજ છે. તેમનો જન્મ કર્ણાટકમાં થયો હતો. બાદમાં તેઓ અમેરિકામાં સ્થાયી થયા હતા.  કિટરમેનના જણાવ્યા અનુસાર તેમને આ પ્રેરણા મેક્સિકોના રાજદૂત મેલબા પ્રિયા પાસેથી મળી હતી. 10 વર્ષ પહેલા તેની પાસે સફેદ ઓટો હતી. તેની પાસે એક ડ્રાઇવર પણ હતો.