VIDEO / ચમચાથી લોટ ગૂંથ્યો, વેલણથી રોટલી વણી: Bill Gatesનો મજેદાર વીડિયો વાયરલ, તમે પણ હસીને થઇ જશો લોથપોથ

• બિલ ગેટ્સે બનાવી રોટલી 
• સોશિયલ મીડિયા પર શેર કર્યો વીડિયો 
• રોટલીને ઈન્ડિયન સ્ટાઈલમાં ઘી લગાવીને ખાધી 

એક સમયે દુનિયાના સૌથી અમીર શખ્સ રહી ચુકેલા અને માઈક્રોસોફ્ટના પૂર્વ ચેરમેન બિલ ગેટ્સનો ભારત પ્રેમ બધા જાણે જ છે. તે પોતાનો લાંબો સમય ભારતમાં જ પસાર કરતા હતા. જગજાહેર છે કે ભારતમાં સમય પસાર કર્યા બાદ ભારતીય વાનગીઓ પ્રત્યેનો પ્રેમ બહાર આવી જ જાય છે. 

પરંતુ આ વખતે તેમનો પ્રેમ ભારતની રોટલી માટે દેખાયો છે. આટલું જ નહીં તેમણે જાતે રોટલી બનાવી અને ઘી લગાવીને તેને ખાધી પણ ખરી. રોટલી બનાવતા તેમનો એક વીડિયો ખૂબ જ વાયરલ થઈ રહ્યો છે. 

બિલ ગેટ્સે બનાવી રોટલી 
બિલ ગેટ્સે સેલિબ્રિટી શેફ ઈટાન બર્નેથની સાથે મળીને રોટલી બનાવી. આ વીડિયોને સેલિબ્રિટી શેફે પોતાના ટ્વિટર હેન્ડલ પર શેર કર્યો છે. વીડિયોમાં બર્નેથે બિલ ગેટ્સને લોટ બાંધવાથી લઈને રોટલી બનાવવા અને ઘી લગાવવા સુધીની સંપર્ણ પ્રોસેસ જણાવી. 

.@BillGates and I had a blast making Indian Roti together. I just got back from Bihar, India where I met wheat farmers whose yields have been increased thanks to new early sowing technologies and women from "Didi Ki Rasoi" canteens who shared their expertise in making Roti. pic.twitter.com/CAb86CgjR3

— Eitan Bernath (@EitanBernath) February 2, 2023

બિલ ગેટ્સે ટેડી-મેડી રોટલી બનાવી પણ ખરી. જોકે તવા પર એ રોટલીને શેકવામાં આવી જેને બર્નેથે બનાવી હતી. ત્યાર બાદ રોટલી પર ઘી લગાવીને બંન્નેએ તેનો આનંદ લીધો. 

બિહારમાં રોટલી બનાવતા શીખ્યા શેફ 
શેફ બર્નેથે આ વીડિયોમાં એમ પણ જણાવ્યું કે તે તેમણે કઈ રીતે હાલમાં જ પોતાના ભારત પ્રવાસ વખતે બિહારમાં રેટલી બનાવતા શીખ્યા. આ વીડિયોમાં બર્નેથે કહ્યું, "બિલ ગેટ્સ અને મેં ભારતીય રોટલીની સાથે બ્લાસ્ટ કર્યો. હું હાલમાં જ બિહારથી આવ્યો છું. ત્યાં મેં ઘઉંના ખેડૂતો સાથે વાત કરી. અહીં હું દીદી કી રસોઈ કેન્ટીનમાં મહિલાઓને મળ્યો. તેમણે મને રોટલી બનાવતા શીખવાડ્યું."

વાયરલ થઈ રહ્યો છે આ વીડિયો 
વીડિયો ગુરૂવારે ટ્વીટર પર શેર કરવામાં આવ્યો છે. બિલ ગેટ્સને રોટલી બનાવતા જોઈ લોકોને ખૂબ મજા આવી રહી છે. અત્યાર સુધી લગભગ 1 લાખ, 80 હજાર લોકોએ આ વીડિયો જોઈ લીધો છે. આ ઉપરાંત 139 રીટ્વીટ, 1300થી વધારે લોકો વીડિયો પોસ્ટને લાઈક કરી ચુક્યા છે. આ ઉપરાંત વીડિયો પર મોટી સંખ્યામાં કમેન્ટ પણ કરી રહ્યા છે.