જમ્મુ-કાશ્મીરના રામબનના બેટનમાં શનિવારે સુરક્ષા દળો અને આતંકવાદીઓ વચ્ચે એન્કાઉન્ટર પહેલા આતંકવાદીઓને શરણાગતિ માટે પ્રોત્સાહિત કરનાર એસએસપી અનિતા શર્માનો એક વીડિયો સામે આવ્યો છે. આ વીડિયોમાં તે એક ટેરેસ પર ઉભા રહીને માઇક પર છુપાયેલા આતંકવાદીને બહાર નીકળવાનું કહેતી જોવા મળી રહી છે.
વીડિયોમાં તે કહે છે, 'ઓસામા...ઓસામા તારી સૌની સાથે વાત કરાવીશું, તું બહાર આવી જા. અમારાથી તારે કોઇ ચિંતા કરવાની જરૂર નથી. કોઈ તમને સ્પર્શશે નહીં બહાર આવા જા. નાગરિકોને પહેલા બહાર મોકલી દે. હથિયારની સાથે, બધા શસ્ત્રો તેમની સાથે બહાર મોકલ. ત્યારબાદ તેણી જણાવે છે કે, ઓસામા, તને 15 મિનિટ આપવામાં આવી છે. તને આપવામાં આવેલ સમય પૂર્ણ થયો. બહાર આવી જા.
રામબનના બટોટે વિસ્તારમાં 3 આતંકીઓને કરાયા ઠાર
ઉલ્લેખનીય છે કે, જમ્મૂ કાશ્મીરના રામબનના બટોટે વિસ્તારમાં એન્કાઉન્ટર દરમિયાન સેનાએ ત્રણ આંતકવાદીઓને ઠાર કર્યા છે. જ્યારે સેનાનો એક જવાન પણ શહીદ થઇ ગયો. બીજી તરફ સુરક્ષાદળોએ આતંકીઓ દ્વારા બંધક બનાવેલા તમામ નાગરિકોને સહી સલામત છોડાવ્યા છે.
તમામ બંધકોને બચાવી લેવાયા
જમ્મૂ કાશ્મીર પોલીસના આઇજી મુકેશ સિંહે બતાવ્યું કે તમામ બંધકોને સલામત રીતે બચાવી લેવાયા છે અને ઓપરેશન પૂર્ણ થયું છે. એન્કાઉન્ટરમાં સેનાનો એક જવાન શહીદ થયો છે. જ્યારે બે પોલીસ કર્મી ઘાયલ થયા છે. જમ્મૂ કાશ્મીરમાં શનિવારે સવારે અલગ-અલગ જગ્યા પર ત્રણ હુમલાની સૂચના મળી હતી. બે જગ્યાઓ પર આતંકીઓ અને સુરક્ષા દળ વચ્ચે ઘર્ષણ થયું હતું. જ્યારે એક જગ્યાએ આતંકીઓએ સુરક્ષાકર્મીઓ પર ગ્રેનેડથી હુમલો કર્યો.