અમેરિકાની પોપ સિંગર મેટાને સાપ સાથે ફોટોશુટ કરાવવાનું ખૂબ ભારે પડ્યું, સાપે તેને ડંખ મારી દીધો હતો.
અમેરિકાની પોપ સિંગર મેટાએ કર્યું સાપ સાથે ફોટોશુટ
શરીર પર ઘણા સાપ મૂકાવ્યા
એક સાપે મેટાને ડંખ માર્યો
સદનસીબે બચી ગઈ
મનુષ્યોએ પ્રાણીઓથી દૂર રહેવું જોઈએ તે વાત આપણને ઘણી વાર શીખવાડાય છે. પ્રાણીઓ અને તેમાંય ખાસ કરીને ઝેરી જીવજંતુઓ સાથેની મજાક ઘણી વાર ભારે પડી શકે છે અને ક્યારેક તો જીવ ગુમાવવાનો વારો પણ આવતો હોય છે. ઈટાલીની પોપ સિંગર મેટા સાથે પણ આવી જ ઘટના બની. કંઈક નવુ કરવાના ક્રેઝમાં મેટા સાથે જે બન્યું તે બીજા માટે આંખ ઉઘાડવા સમાન કિસ્સો છે. એ તો મેટાનું નસીબ સારુ કે બચી ગઈ નહીંતર તેના બાર વાગી જવાના હતા. વીડિયો વાયરલ થયા બાદ લોકોએ તેની જાતજાતની શીખામણ આપીને આવા અખતરા કરવાથી દૂર રહેવાનું જણાવ્યુ હતું.
ઘણા સાપ સાથે કરાવી રહી હતી ફોટોશુટ
સિંગર મેટા તેના નવા ગીતનું વીડિયો શુટિંગ કરી રહી હતી. આ દરમિયાન તેને નવું નવું કરવાનું સુઝ્યું અને તેણે શુટિંગમાં એક સાપને પોતાની છાતી પર બેસાડીને શુટિંગ કરવા લાગી.
આ વીડિયો ખુદ મેટાએ ઈન્સ્ટા પર શેર કર્યો છે. વીડિયોમાં જોઈ શકાય છે કે મેટા સુતી છે અને તેના શરીર પર ઘણા સાપ જોવા મળે છે આમાંથી એક સાપ સરકીને તેની હડપચી સુધી આવી ગયો અને અચાનક તેને ડંખ મારી દેતા મેટાના શ્વાસ અધ્ધ થઈ ગયા હતા. ઉલ્લેખનીય છે કે મેટા અમેરિકાની ફેમસ પોપ સિંગર છે અને તે અવનવી રીતે શુટિંગ કરવાની શૌખીન છે. વીડિયો વાયરલ થયા બાદ લોકોએ પૂછ્યું કે ઝેરી સર્પ સાથે આવો અટકચાળો કરાય ખરો.