પૃથ્વીના ભગવાન / VIDEO : ક્લિનિકમાં દવા લેવા આવેલા દર્દીને આવ્યો હાર્ટએટેક, ડોક્ટરે તાત્કાલિક CPR આપીને જીવ બચાવ્યો

• મહારાષ્ટ્રના કોલ્હાપુરના ડોક્ટરનો વીડિયો વાયરલ
• ડોક્ટરની સામે દર્દીને આવ્યો હાર્ટએટેક
• ડોક્ટરે તાત્કાલિક સીપીઆર આપીને જીવ બચાવ્યો

ડોક્ટરો ભગવાનનું રુપ ગણાય છે તે કહેવત તો બધાએ સાંભળી હશે પરંતુ હવે તેનો પ્રત્યક્ષ દાખલો પણ જોવા મળ્યો છે. મહારાષ્ટ્રના કોલ્હાપુરના એક ડોક્ટરે ક્લિનિકમાં જ હાર્ટએટેક આવેલા એક દર્દીનો જીવ બચાવી લીધાની ઘટના બની છે. સોશિયલ મીડિયા પર આ ઘટનાનો વીડિયો વાયરલ થયો છે. 

ડોક્ટરની સામે દર્દીને આવ્યો હાર્ટએટેક, જીવ બચી ગયો 
કોલ્હાપુરના એક શ્રેષ્ઠ કાર્ડિયોલોજિસ્ટ ડો.અર્જુન અદનાઇકે તેમના ક્લિનિકમાં એક દર્દીનો જીવ બચાવ્યો હતો. એક દર્દી દવા લેવા માટે  ડો.અર્જુન અદનાઇકની ક્લિનિકમાં આવ્યો હતો. ડો.અદનાઇકે દર્દીને ચકાસીને તેમને માટે દવાઓ લખતા હતા. દર્દી બરાબર ડોક્ટરની સામે બેઠા હતા. આ દરમિયાન હાર્ટએટેક આવતા દર્દીનું માથું ખુરશી પર ઝૂકી ગયું હતું. આ જોઈને ક્ષણનો પણ વિચાર કર્યા વગર ડોક્ટર તેની તરફ દોડ્યાં હતા અને તેને સીપીઆર સારવાર આપી હતી અને થોડી વાર સુધી દર્દીની છાતી ઘસવા લાગ્યા હતા અને જાણે ચમત્કાર થયો હોય તેમ દર્દી ભાનમાં આવી ગયો હતો. 

This video shows an example of a real life hero living in our midst. Dr. Arjun Adnaik, one of the best cardiologists, from Kolhapur saving a patient's life. I applaud such honourable and virtuous heroes. pic.twitter.com/Gd9U2ubldJ

— Dhananjay Mahadik (@dbmahadik) September 5, 2022

સોશિયલ મીડિયા પર વાયરલ થયો અદ્દભુત વીડિયો 
આ ઘટનાનો એક વીડિયો સોશિયલ મીડિયા પર વાયરલ થયો છે. આ વીડિયોમાં આપણી વચ્ચે રહેતા એક વાસ્તવિક જીવનના હીરોનું ઉદાહરણ બતાવવામાં આવ્યું છે. કોલ્હાપુરના એક શ્રેષ્ઠ કાર્ડિયોલોજિસ્ટ ડો.અર્જુન અદનાઇકે એક દર્દીનો જીવ બચાવ્યો હતો. શ્રી મહાડિકે પોતાના ટ્વીટમાં જણાવ્યું હતું કે હું આવા માનનીય અને સદ્ગુણી નાયકોને બિરદાવું છું. વીડિયોમાં ડો.અદનાઇક આ વ્યક્તિને તેની છાતી પર થપ્પડ મારીને કાર્ડિયોપલ્મોનરી રેસુસાઈટેશન (સીપીઆર) આપી રહ્યા છે. આ વ્યક્તિની બાજુમાં બેઠેલી અન્ય એક વ્યક્તિ ડોક્ટરને કામ કરવા માટે જગ્યા આપવા માટે તેની ખુરશી પરથી ઉતરતી જોવા મળે છે. ડોક્ટરના આ પરાક્રમી કામનો વીડિયો 38,000થી વધુ વખત જોવામાં આવ્યો છે, જેમાં અનેક ટ્વિટર યુઝર્સે તેમનો આભાર માન્યો છે.