જાન હથેળીમાં લઈને પણ અમુક લોકો જીવદયા કરતા અચકાતા નથી.સોશિયલ મીડિયા પર આવો એક વીડિયો વાયરલ થયો છે.
જીવના જોખમે જીવદયાનો વીડિયો વાયરલ
સાપને લાગી હતી ખૂબ તરસ
શખ્સે હથેળીમાં લઈને પીવડાવ્યું પાણી
જે લોકોમાં જીવદયા હોય છે તેઓ ઝેરી જીવો સાથે પણ સમભાવ રાખતા હોય છે અને તેમને ખવડાવવા-પીવડાવવામાંથી પાછા પડતા નથી. સોશિયલ મીડિયા પર મનુષ્ય અને જાનવરની દોસ્તીનો એક પ્રેમાળ વીડિયો વાયરલ થઈ રહ્યો છે જેણે ટ્વિટરની જનતાનું દિલ જીતી લીધું છે.
Summer is approaching. Your few drops can save someone’s life. Leave some water in your garden in a container for that can mean a choice between life & death for many animals🙏 pic.twitter.com/ZSIafE4OEr
સોશિયલ મીડિયા પર શખ્સ અને જાનવરની દોસ્તીનો એક ખૂબસૂરત વીડિયો વાયરલ થઈ રહ્યો છે.49 સેન્કડની ક્લીપમાં તમે જોઈ શકો છો કે એક લીલા રંગનો સાપ ઝાડ પર લટકી રહ્યો છે અને તેને ખૂબ તરસ લાગી છે. તેની બાજુમાં એક શખ્સ પાણીની બોટલ લઈને ઊભો છે. શખ્સે તેની હથેળીમાં પાણી લીધુ હતું અને સાપનું મોં પકડીને તેમાં નાખ્યું હતું. સાપ પણ ગટગટ કરતા પાણી પી ગયો હતો.
વીડિયો જોઈને લોકોને મજા આવી
વીડિયો વાયરલ થયા બાદ લોકોને પણ ખૂબ મજા આવી હતી.કેટલાક યૂઝર્સે કહ્યું કે આ આદમીએ ઘણું ભલાઈનું કામ કર્યું છે. આપણે બધાએ તેમાંથી બોધપાઠ લેવો જોઈએ જ્યારે બીજા કેટલાક લોકોએ કહ્યું કે આ ઘણું ખતરનાક સાબિત થઈ શકે છે અને જો સાપે ડંખ મારી દીધો હોત તો શું થયું હોત.