સાઉદી અરેબિયાના મક્કાના ક્લોક ટાવર પર ચાલુ વરસાદમાં ભયાનક વીજળી ત્રાટકવાનો એક વીડિયો સોશિયલ મીડિયા પર વાયરલ થયો છે.
સાઉદી અરેબિયાના મક્કાના ક્લોક ટાવર પર ત્રાટકી વીજળી
ક્લોક ટાવરને જરા પણ નુકશાન નહીં
વાયરલ વીડિયોમાં દેખાયો કુદરતનો અદ્દભુત નજારો
ચોમાસાની સિઝનમાં આકાશી વીજળી પડવી સામાન્ય છે. આમ તો આકાશી વીજળી ખતરનાક હોય છે જ્યાં પડે છે ત્યાં જાનમાલને મોટા પ્રમાણમાં નુકશાન થતું હોય છે આ બધામાં વીજળી પડવા છતાં પણ કોઈ વસ્તુ બચી પણ જાય છે અને તેને જરા પણ ઈજા પહોંચતી નથી તેવું પણ બનતું હોય છે. પરંતુ આ બધામાં ત્રાટકતી વીજળીનો નજારો જોવાનો આનંદ જ કંઈ અનેરો હોય છે.
મક્કાના ક્લોક ટાવર પર વીજળી પડી
સાઉદી અરબના મક્કામાં એક કલાકના ઘરમાં વીજળી પડવાનો વીડિયો સોશિયલ મીડિયા પર વાયરલ થયો છે. વીડિયોમાં સ્પષ્ટ દેખાઈ રહ્યું છે કે, સાંજે વરસાદ દરમિયાન અચાનક વીજળી ચમકે છે અને પછી આખા આકાશમાં લાઈટો વિખેરાઈ જાય છે.
13 લાખથી વધારે લોકોએ જોયો વીડિયો
મુલહમ નામના યુવકે આ વીડિયો સોશિયલ મીડિયા પર શેર કર્યો છે. આ યુવાન જેદ્દાહની કિંગ અબ્દુલઅઝીઝ યુનિવર્સિટીમાં ખગોળશાસ્ત્રનો વિદ્વાન છે. યુવકે વીડિયો શેર કરતા કેપ્શનમાં લખ્યું છે કે, "થોડા દિવસ પહેલા મક્કામાં વરસાદ દરમિયાન બુર્જ અલ-સા પર વીજળી પડી હતી. શુક્રવારે ટ્વિટર પર શેર કરવામાં આવેલા આ વીડિયોને અત્યાર સુધી 13 લાખથી વધુ લોકો જોઈ ચૂક્યા છે.
અમેરિકાના ઓહિયોમાં ઝાડ પર પડી વીજળી
તાજેતરમાં જ અમેરિકા ઓહિયો શહેરના એક વૃક્ષ પર વીજળી પડવાનો વીડિયો વાયરલ થયો હતો. ચાલુ વરસાદમાં ઝાડ પર વીજળી પડી હતી, જેના કારણે ઝાડના મૂળમાં આગ લાગી ગઈ હતી. ત્યારબાદ આગ પર સંપૂર્ણ કાબૂ મેળવવા માટે ઝાડને કાપવું પડ્યું હતું. આ સળગતા વૃક્ષનો ફોટો રિજવિલે ટાઉનશિપ વોલન્ટિયર ફાયરફાઇટર ડિપાર્ટમેન્ટના એકાઉન્ટ પરથી ફેસબુક પર શેર કરવામાં આવ્યો હતો.