મહિલા વર્લ્ડ કપની પહેલા મેચમાં પાકિસ્તાનને પરાજય આપ્યા બાદ ભારતીય ખેલાડીઓએ એક દિલને સ્પર્શી જનાર કામ કર્યું.
મહિલા વર્લ્ડ કપની પહેલી મેચમાં ભારતે પાકિસ્તાનને આપી હાર
મેચ બાદ ભારતીય મહિલા ખેલાડીઓેએ પાક.કેપ્ટનની દિકરીને વ્હાલ કર્યું
ખેલાડીઓ બિસ્માહ મારૂફની દીકરીને રમાડવા લાગી
મહિલા વર્લ્ડ કપની પહેલી મેચમાં પાકિસ્તાનને પરાજય આપીને ભારતીય મહિલા ખેલાડીઓએ પાકિસ્તાનની કેપ્ટન બિસ્માહ મારૂફની સાત વર્ષની દીકરી સાથે મસ્તી કરવા લાગી હતી.
This will warm your heart in beautiful ways: India’s cricket team spending time with the baby daughter of Pakistan team’s captain Bismah Maroof after their World Cup match.
વાસ્તવમાં પાકિસ્તાનની હાર બાદ ભારતીય ટીમની ખેલાડી એકતા બિષ્ટ ડ્રેસિંગ રૂમમાં પહોંચી અને પાકિસ્તાન ટીમના કેપ્ટન બિસ્માહ મારૂફની દીકરીને જમાડવા લાગી. તે સમયે બિસ્માહ મેદાન પર હતા અને દીકરી કેરટેકરના ખોળામાં હતી. બિસ્માહની દીકરીની ઉંમર માત્ર 7 મહિનાની છે. આ વીડિયો સોશિયલ મીડિયા પર પણ વાયરલ થઈ રહ્યો છે. પ્લેઈંગ-11માં એકતા બિષ્ટની પસંદગી થઈ નહતી. તેણે ડગઆઉટથી આખી મેચ જોઈ.
મહિલા વર્લ્ડ કપમાં ભારતીય ટીમે ધમાકેદાર શરૂઆત કરી હતી. ટીમની પહેલી મેચ તેની કટ્ટર હરીફ પાકિસ્તાન ટીમ સામે હતી. દર વખતની જેમ આ વખતે પણ પાકિસ્તાનનો પરાજય થયો હતો. ભારત 107 રનથી જીત્યું હતું. ભારતીય ટીમ અત્યાર સુધી વર્લ્ડ કપમાં પાકિસ્તાન સામે હારી નથી. પૂર્વ ભારતીય કેપ્ટન વિરાટ કોહલી, પાકિસ્તાનના કેપ્ટન બાબર આઝમ અને પાક વિકેટકીપર મોહમ્મદ રિઝવાનની યાદ અપાવી દીધી હતી. ન્યૂઝીલેન્ડના માઉન્ટ મૌંગુઈમાં રમાયેલી આ મેચમાં ભારતીય ટીમે ટોસ જીતીને પ્રથમ બેટિંગ કરવાનો નિર્ણય કર્યો હતો અને 7 વિકેટના નુકસાન પર 244 રન બનાવ્યા હતા. જવાબમાં પાકિસ્તાનની આખી ટીમ 137 રનમાં જ ખખડી ગઈ હતી.
ગયા વર્ષની 30 ઓગસ્ટે બિસ્માહે પુત્રીને જન્મ આપ્યો હતો
મેચ રમવા માટે બિસ્માહ તેની 7 મહિનાની પુત્રીને ગોદમાં લઈને સ્ટેડિયમ પહોંચી હતી. પુત્રી લાલ રંગના કપડામાં અત્યંત ક્યુટ લાગતી હતી. 30 વર્ષની બિસ્માહ મારુફ સ્પિન ઓલરાઉન્ડર છે. તેણે 30 ઓગસ્ટ 2021 ના દિવસે પુત્રીને જન્મ આપ્યો હતો.