IPL / KKRની જીત પછી રસેલે કંઇક આ રીતે ઉજવી પોતાની બર્થ ડે

વેસ્ટઈન્ડિઝના ઓલરાઉન્ડર આંદ્રે રસેલનો આજે 31મો જન્મદિવસ છે. કેરેબિયાઈ ઓલરાઉન્ડરે ફરી એકવાર સાબિત કરી દીધું કે આધુનિક ક્રિકેટમાં તે સૌથી આક્રમક બેટ્સમેન છે. તાજેતરમાં IPLમાં રસેલનો જાદુ ચાલી રહ્યો છે. વિવારે મુંબઈ ઈન્ડિયન્સ સામેની મેચમાં રસેલે બોલર્સની જોરદાર ધોલાઇ કરીને 40 બૉલમાં 80 રન કર્યા. બેટિંગ બાદ રસેલે બોલિંગમાં કમાલ દેખાડી અને બે વિકેટ તેમજ બે કેચ પક્ડયા. ઓલરાઉન્ડર રસેલ પોતાના બર્થ ડે પર આનાથી વધુ સારી ગિફ્ટ શું આપી શકે? 

Our Muscle Man well and truly CAKED 😂♥️

And yaar Shah @iamsrk you make my heart ache with your sweetness - passing him napkins 😭♥️#HappyBirthdayAndreRussell #KKR #KKRvMI #KKRHaiTaiyaar pic.twitter.com/s9UXFZ6LjQ

— Samina ✨ (@SRKsSamina) April 28, 2019

મેચ જીત્યા બાદ KKRની ટીમે ધામધૂમથી રસેલનો જન્મદિવસ મનાવ્યો. રસેલે કેક કાપીને જન્મદિવસની ઉજવણી કરી. કોલકત્તા નાઇટ રાઇડર્સની ટીમે રસેલનો ચહેરો કેકથી રંગી નાખ્યો. રવિવારે રસેલને શાનદાર પ્રદર્શન બદલ મેન ઓફ ધ મેચ તરીકે પસંદ કરાયો. મેચ બાદ રસેલે કહ્યું, “હું એવેન્જર્સનો ફેન છું. આંખ અને હાથનું સંયોજન મહત્વનુ છે. હું બહુ જોરથી શોટ ફટકારવાનો પ્રયાસ કરું છું.''

SRK with the KKR squad in the dressing room for the birthday celebrations of Andre Russell. #HappyBirthdayAndreRussell ❤️ pic.twitter.com/PMdZTZYobR

— SRK Universe (@SRKUniverse) April 28, 2019

જણાવી દઈએ કે, રસેલના ઓલરાઉંડ પ્રદર્શનની મદદથી કોલકાતા નાઈટ રાઇડર્સે મુંબઈને 34 રનથી હરાવ્યું. આ જીત KKRની IPLમાં 100મી જીત રહી. આ જીત પછી પ્લે ઑફમાં KKRની આશા જીવંત છે. KKRએ 2 વિકેટ ગુમાવીને 20 ઓવરમાં 232 રન બનાવ્યા. તો મુંબઈની ટીમ 20 ઓવરમાં 7 વિકેટ ગુમાવીને 198 બનાવી શકી. 

KKRના કેપ્ટન દિનેશ કાર્તિકે કહ્યું, “રસેલ શાનદાર ખેલાડી છે. તે સ્પેશિયલ છે અને તેણે ખેલાડી તરીકે ઘણી પ્રગતિ કરી છે. આ જોઇને આનંદ થયો.''