આક્ષેપ / 'મારી પાસે મસાજ કરાવ્યો, કપડાં પણ ધોવડાવ્યા', વસીમ અક્રમે પાકિસ્તાનના પૂર્વ કેપ્ટન પર લગાવેલા આરોપથી ખળભળાટ

• પાકિસ્તાનના બે પૂર્વ દિગ્ગજ ક્રિકેટર સામસામે આવી ગયા 
• પૂર્વ બોલર વસીમ અકરમનો પૂર્વ કેપ્ટન સલીમ મલિક પર ગંભીર આરોપ
• મલિક તેની વરિષ્ઠતાનો ફાયદો ઉઠાવીને 'નોકર' જેવો વ્યવહાર કરતો: વસીમ અકરમ

પાકિસ્તાનના બે પૂર્વ દિગ્ગજ ક્રિકેટર હાલમાં સામસામે આવી ગયા છે. સ્વિંગના બાદશાહ ગણાતા પાકિસ્તાનના પૂર્વ ફાસ્ટ બોલર વસીમ અકરમે પોતાના જ દેશના પૂર્વ કેપ્ટન સલીમ મલિક પર ગેરવર્તનનો ગંભીર આરોપ લગાવ્યો છે. તેણે સલીમ મલિક વિશે કેટલાક ચોંકાવનારા ખુલાસા કર્યા છે. વાસ્તવમાં સલીમ મલિકે 1982માં પાકિસ્તાન માટે ડેબ્યૂ કર્યું હતું. અકરમે બે વર્ષ પછી એટલે કે 1984માં ડેબ્યૂ કર્યું હતું. તેની બાયોગ્રાફી 'સુલ્તાનઃ અ મેમોયર'માં અકરમે ખુલાસો કર્યો હતો કે, મલિક તેની વરિષ્ઠતાનો ફાયદો ઉઠાવીને તેની સાથે 'નોકર' જેવો વ્યવહાર કરતો હતો.

શું લખ્યું છે વસીમ અકરમે ? 

વસીમ અકરમે પુસ્તકમાં લખ્યું છે કે,  તે મારા જુનિયર સ્ટેટસનો ફાયદો ઉઠાવતો હતો. તે નકારાત્મક અને સ્વાર્થી હતા અને મારી સાથે નોકરની જેમ વર્તન કરતાં હતા. તેણે મને તેની માલિશ કરવાનું કહ્યું. તેણે મને મારા કપડાં અને પગરખાં સાફ કરવાનો આદેશ આપ્યો. જ્યારે હું ગુસ્સે થઈ ગયો ત્યારે રમીઝ રાજા, તાહિર, મોહસીન, શોએબ મોહમ્મદ જેવા કેટલાક યુવા સભ્યોએ મને નાઈટ ક્લબમાં આમંત્રણ આપ્યું. 

એક ચર્ચા મુજબ અકરમ અને મલિક લાંબા સમય સુધી સાથે રમતા હતા, પરંતુ એવા અહેવાલો હતા કે બંને તેમના રમતના દિવસોમાં વાત કરતા ન હતા. વસીમ અકરમ પણ 1992-1995 દરમિયાન સલીમ મલિકની આગેવાનીમાં રમ્યો હતો. મલિકની કપ્તાની હેઠળ પાકિસ્તાને 12માંથી સાત ટેસ્ટ અને 34માંથી 21 વનડે જીતી હતી. 2000માં મલિક મેચ ફિક્સિંગમાં દોષી સાબિત થયો હતો અને તેના પર આજીવન પ્રતિબંધ મૂકવામાં આવ્યો હતો.

સલીમ મલિકે કર્યા મોટા ખુલાસા

સલીમ મલિકે વસીમ અકરમ અને વકાર યુનુસના અસભ્ય વર્તનની ટીકા કરી હતી. સલીમ મલિકે તો ત્યાં સુધી કહ્યું હતું કે જ્યારે તે કેપ્ટન હતો ત્યારે અકરમે તેની સાથે વાત કરવાનું પણ ટાળ્યું હતું કારણ કે વસીમની નજર કેપ્ટનશિપ પર હતી. 

શું કહ્યું સલીમ મલિકે ? 

સલીમ મલિકે આ વર્ષની શરૂઆતમાં કહ્યું, જ્યારે હું વસીમને બોલ આપવા જતો હતો, ત્યારે તે મારી પાસેથી બોલ છીનવી લેતો હતો કારણ ક,  તે મારી સાથે વાત કરતો ન હતો. ગુસ્સો કારણ કે હું કેપ્ટન બની ગયો હતો, જ્યારે વસીમ અને વકાર કેપ્ટન બનવા માંગતા હતા. તેઓ બંને મારી સાથે વાત કરતા ન હતા અને તેમ છતાં અમે શ્રેણી જીતી. વસીમ મારી પાસેથી બોલ છીનવીને જતો રહેતો અને હું તેની સાથે ચાલી જતો. વસીમ મારી સાથે વાત કરતો ન હતો.

આ સાથે સલીમે કહ્યું કે, હું તેને વસીમને કહેતો હતો કે, તું દુનિયાનો નંબર વન બોલર છે. હું તેને આ કહી રહ્યો છું અને તે ગુસ્સાથી તેના રન-અપ તરફ ચાલી રહ્યો છે. મેં ફરી કહ્યું કે, તમે નંબર વન બોલર છો, તમે તેને આઉટ કરો. તમારી પ્રતિષ્ઠા છે. સલીમ મલિક પછી વકાર યુનુસ અને વસીમ બંને કેપ્ટન બન્યા. પાકિસ્તાને વસીમની કપ્તાનીમાં 25 ટેસ્ટ રમી અને 12માં જીત મેળવી. પાકિસ્તાન આઠ મેચ હારી ગયું અને પાંચ મેચ ડ્રો રહી. આ સાથે વસીમની કેપ્ટન્સીમાં 109 વનડેમાંથી પાકિસ્તાને 66 મેચ જીતી હતી. 41 મેચ હારી હતી અને બે મેચ ટાઈ રહી હતી.