IND vs NZ T20 / ટીમ ઈન્ડિયામાં જાડેજા અને અક્ષર પટેલ જેવો જોરદાર ઑલરાઉન્ડર થયો સામેલ, ન્યૂઝીલેન્ડ સામેની સીરિઝમાં મચાવશે તરખાટ

• ભારત અને ન્યુઝીલેન્ડ વચ્ચે 27 જાન્યુઆરીથી ટી20 શ્રેણી રમાશે
• આ સીરીઝમાં ઓલરાઉન્ડર અક્ષર પટેલ ટીમનો ભાગ નથી
• ઓલરાઉન્ડર વોશિંગ્ટન સુંદરનો સમાવેશ કરાયો 

ભારતીય ટીમમાં આ ઘાતક ઑલરાઉન્ડર સામેલ

ભારત અને ન્યુઝીલેન્ડ વચ્ચે ટી20 શ્રેણી 27 જાન્યુઆરીએ રમાશે. આ સીરીઝમાં ઓલરાઉન્ડર અક્ષર પટેલ ટીમનો ભાગ નથી. એવામાં આ શ્રેણી ભારતીય ટીમના એક ખેલાડી માટે મહત્વની સાબિત થશે. આ ખેલાડી નવેમ્બર 2022 બાદથી ભારતીય ટીમ માટે એક પણ ટી20 મેચ રમી શક્યો નથી. તો હાલમાં ન્યુઝીલેન્ડ સામે વન-ડે શ્રેણીમાં પણ આ ખેલાડી ફ્લોપ રહ્યો હતો. ન્યુઝીલેન્ડ સામે રમાનારી આ ટી20 શ્રેણી માટે ભારતીય ટીમમાં ઓલરાઉન્ડર વોશિંગ્ટન સુંદરનો સમાવેશ કરવામાં આવ્યો છે. વોશિંગ્ટન સુંદર હાલમાં શ્રીલંકા સામે ટી20 શ્રેણીમાં પણ સ્ક્વોડનો ભાગ હતા. પરંતુ અક્ષર પટેલની શાનદાર રમતને પગલે તેમને એક પણ મેચની પ્લેઈંગ 11માં જગ્યા નહોતી મળી. આ સીરીઝમાં અક્ષરને આરામ આપવામાં આવ્યો છે, એવામાં વોશિંગ્ટન સુંદર પ્લેઈંગ 11નો ભાગ બનવાના સૌથી મોટા દાવેદાર છે. 

ભારતીય ટીમ માટે અત્યાર સુધીનુ પ્રદર્શન 

23 વર્ષના વૉશિંગ્ટન સુંદરે તેની અંતિમ ટી20 મેચ નવેમ્બર 2022માં ન્યુઝીલેન્ડ સામે રમી હતી. તેમણે અત્યાર સુધી ટીમ ઈન્ડિયા માટે 4 ટેસ્ટ મેચમાં 265 રન અને 6 વિકેટ પ્રાપ્ત કરી છે. તો 16 વન-ડે અને 32 ટી20 મેચ પણ રમી છે. આ વન-ડે મેચમાં વોશિંગ્ટન સુંદરે 233 રન અને 16 વિકેટ પોતાના ફાળે કરી છે. તો ટી20 મેચમાં સુંદરે નિચલા ક્રમે બેટીંગ કરીને 47 રન અને બોલિંગમાં 26 વિકેટ પ્રાપ્ત કરી છે.

 ન્યુઝીલેન્ડ સામે ટી20 શ્રેણી માટે ટીમ ઈન્ડિયા 

હાર્દિક પંડ્યા (કેપ્ટન), સૂર્યકુમાર યાદવ (વાઈસ કેપ્ટન), ઈશાન કિશન (વિકેટ કીપર), ઋતુરાજ ગાયકવાડ, શુભમન ગિલ, દીપક હુડ્ડ઼ા, રાહુલ ત્રિપાઠી, જિતેશ શર્મા (વિકેટ કીપર), વોશિંગ્ટન સુંદર, કુલદીપ યાદવ, યુજવેન્દ્ર ચહલ, અર્શદીપ સિંહ, ઉમરાન મલિક, શિવમ માવી, પૃથ્વી શૉ, મુકેશ કુમાર.