ક્રિકેટર શેન વોર્નના મૃત્યુને લઈને એક મોટા સમાચાર છે જ્યાં તેમના મૃત્યુને હત્યા હોવાની સંભાવનાઓ પર વિચાર કરવામાં આવી રહ્યો છે.
ટેસ્ટ મેચમાં લીધેલી 700 વિકેટ
પોલીસે કર્યો હતો આ દાવો
અચેત અવસ્થામાં મળ્યું બોડી
શેન વોર્નનું મૃત્યુ
ઓસ્ટ્રેલિયા ક્રિકેટના દિગ્ગજ અને સર્વકાલીન મહાન લેગ-સ્પિનર શેન વોર્નનું 52 વર્ષની વયે અવસાન થયું છે.વોર્નના મેનેજમેન્ટે શનિવાર (AEDT) ની વહેલી સવારે એક સંક્ષિપ્ત નિવેદન બહાર પાડ્યું, કે તે કોહ સમુઇ, થાઇલેન્ડમાં શંકાસ્પદ હાર્ટ એટેકથી મૃત્યુ પામ્યો.
પોલીસનાં હાથ લાગ્યું સબૂત
ઓસ્ટ્રેલિયાનાં પૂર્વ ક્રિકેટર શેન વોર્નનાં મૃત્યુ વિષે એક નવી અપડેટ આવી છે. હવે થાઈલેંડ પોલીસનું કહેવું છે કે તેમના રૂમમાંથી લોહી મળ્યું. શેન વોર્નનાં મૃત્યુ બાદ સ્થાનીય પોલીસે કહ્યું કે તેમના બોડી પાસે ખૂબ જ વધારે લોહી મળ્યું છે. શેન વોર્નને અચેત અવસ્થામાં CPR આપવામાં આવ્યું, જેથી લોહી નીકળ્યું હોય. તેમના મિત્રોએ જ તેમને દવાખાને પહોંચાડ્યા હતા. અત્યાર સુધી કોઈપણ વાતની પુષ્ટિ થઇ નથી. પોલીસનું કહેવું છે કે તેમને હવે પોસ્ટમોર્ટમની રાહ છે. એટલે કે કાર્ડિયો પલ્મોનરી રિસસિટેશન એક પ્રકારની મેડિકલ થેરાપી છે, જે પેશન્ટનો જીવ બચાવવા માટે ઇમરજન્સીમાં આપવામાં આવે છે. હવે શેન વોર્નનાં રૂમમાં લોહી મળવાથી તેમના મૃત્યુ પર સવાલ ઉઠી રહ્યા છે.
વોર્ન દારૂ પીતા નહોતા
સિડની મોર્નિગ હેરાલ્ડના શનિવારના એક રિપોર્ટમાં કહેવામાં આવ્યું છે કે દિગ્ગજ સ્પિનરના બિઝનેસ મેનેજર શેન વોર્નને બચાવવા માટે અંદાજે 20 મિનિટ સુધી સીપીઆર કરતા રહ્યાં. રિપોર્ટમાં કહેવામાં આવ્યું, 52 વર્ષીય પૂર્વ ખેલાડીના મેનેજરે હેરાલ્ડ અને ધ એજને જણાવ્યું કે વોર્ન પોતાના મિત્ર એન્ડ્રયુ સાથે મળતા પહેલા દારૂ નહોતા પીતા. જો વોર્ન સાથે થાઈલેન્ડ ગયા હતા. રાત્રે ખાતા પહેલા હોટલના રૂમમાં હાજર હતા. રિપોર્ટસમાં કહેવામાં આવ્યું છે કે વોર્ન ઓસ્ટ્રેલિયા અને પાકિસ્તાનની વચ્ચે ટેલીવિઝન પર રમાયેલી ઐતિહાસિક પહેલી ટેસ્ટને જોઇ રહ્યાં હતા. ત્યારબાદ બેહોશ થયા હતા. તેમણે કહ્યું કે મહાન સ્પિનર થાઈલેન્ડના કોહ સમુઈમાં રજા ગાળવા ગયા હતા અને પોતાના કમેન્ટિંગ એસાઈનમેન્ટ પર યુકેની યાત્રા કરવાના હતા.
વોર્ન કરી રહ્યા હતા ડાયટિંગ
વોર્નના મેનેજર જેમ્સ મુજબ, વોર્ને ડ્રિક્સ બંધ કરી દીધી હતી. કારણકે તેઓ ડાઇટિંગ કરી રહ્યાં હતા. ઓસ્ટ્રેલિયન વડાપ્રધાન સ્કૉટ મૉરિસને શેન વોર્નને શ્રદ્ધાંજલિ આપતા કહ્યું, વોર્ન એવા કેટલાંક લોકોમાંથી એક હતા. જે મહાન ડૉન બ્રેડમેનની અસાધારણ સિદ્ધીઓ સુધી પહોંચી શકતા હતા. મૉરિસને કહ્યું, પરંતુ ઓસ્ટ્રેલિયન લોકો માટે શેન તેનાથી વધુ હતા. શેન અમારા દેશના મહાન વ્યક્તિઓમાંથી એક હતા. ઓસ્ટ્રેલિયન નાગરિકો શેન વોર્નને ખૂબ પ્રેમ કરતા હતા. જેમકે આપણે બધાએ શેન વોર્નને પ્રેમ કરતા હતા.
જાન્યુઆરી 2007માં ઓસ્ટ્રેલિયાના ઈંગ્લેન્ડ પર 5-0ની એશેઝ શ્રેણીની જીતના અંતમાં આંતરરાષ્ટ્રીય ક્રિકેટથી સંન્યાસ લીધો હતો. તે સમયે ઓસ્ટ્રેલિયન ટીમના અભિન્ન અંગમાંથી ત્રણ ખેલાડીઓ પણ રિટાયર્ડ થયા હતા જેમાં ગ્લેન મેકગ્રા, ડેમિયન માર્ટિન અને જસ્ટિન લેંગર. આંતરરાષ્ટ્રીય ક્રિકેટમાંથી નિવૃત્તિ બાદ વૉર્ન હેમ્પશાયર કાઉન્ટી ક્લબ અને પ્રથમ શ્રેણી રમ્યા હતા. 2008માં IPL ટીમ રાજસ્થાન રોયલ્સના કોચ અને કેપ્ટનની ભૂમિકા નિભાવી અને જીત અપાવી. 1992થી 2007 સુધી 145 ટેસ્ટ મેચ વૉર્ન રમ્યા હતા જેમાં 25.41 ની બોલિંગ એવરેજથી 708 વિકેટો લીધી હતી
શેન વોર્નનો રેકોર્ડ
શેન વોર્ને ટેસ્ટ મેચમાં 708 વિકેટ લીધી હતી
શેન વોર્નનો ટેસ્ટમાં બેસ્ટ સ્કોર 8/71 રહ્યો છે
145 મેચમાં 5 વિકેટ 37 વખત લીધી હતી
ટેસ્ટમાં વોર્ને 10 વિકેટ 10 વખત લીધી હતી
વનડેમાં શેન વોર્ને 293 વિકેટ હાંસિલ કરી હતી
વનડેમાં માત્ર 25.74 એવરેજથી રન આપ્યા હતા
શેન વોર્ન IPLમાં પણ 54 મેચ રમી ચુક્યા છે