સાદગી પ્રવાસ / દુનિયાના ચોથા નંબરના સૌથી પૈસાદાર આ વ્યક્તિએ અત્યાર સુધી સાદો મોબાઇલ વાપર્યો, પરંતુ હવે...

• વોરન બફેટે અત્યાર સુધી સાદો મોબાઇલ વાપરતા હતા
• પહેલીવાર સ્માર્ટ ફોન અપનાવ્યો

આજના ટેકનોલોજી અને એડવાન્સ્ડ ગેજેટસના જમાનામાં વોરન બફેટ અત્યાર સુધી ફીચર ફોન અથવા તો એકદમ સાદા મોબાઇલનો ઉપયોગ કરતા હતા. વોરન બફેટ સેમસંગના ફ્લિપ ફોનનો ઉપયોગ કરી રહ્યા હતા. જેની કિંમત આશરે 1,500 રૂપિયા છે બફેટ જે ફીચર ફોનનો ઉપયોગ કરી રહ્યા હતા તે 2009માં લોન્ચ કરવામાં આવ્યો હતો અને તે ફોનનું મોડેલ એસસીએચ-યુ 320 હતું.

જોકે વોરન બફેટે હવે આઇફોન 11 નો ઉપયોગ શરૂ કરી દીધો છે અને તેમણે પોતે એક ઇન્ટરવ્યુમાં આ વિશે માહિતી આપી છે. જોકે બફેટે એમ પણ જણાવ્યું છે કે તેમણે આઇફોન 11 નથી ખરીદ્યો, પરંતુ તેમને કોઇએ ભેટમાં આપ્યો છે. આઈફોન 11 ના ઉપયોગ અંગે બફેટે કહ્યું છે કે તેઓ આ ફોનનો ઉપયોગ ફક્ત ગેમ્સ અને સોશિયલ મીડિયા માટે જ કરી રહ્યા છે.

બ્લૂમબર્ગના એક અહેવાલ મુજબ વોરન બફેટની સંપત્તિ 6.31 લાખ કરોડ રૂપિયા છે. બફેટની કંપની બર્કશાયર હેથવેએ ડિસેમ્બર 2019 ના ત્રિમાસિક ગાળાના આંકડા જાહેર કર્યા હતા, જેમાં કંપનીનો નફો 29.2 અબજ ડોલર થયો હતો.ઉલ્લ્ખનીય છે કે બર્કશાયર હેથવે અમેરિકી સૌથી વધુ માર્કેટ વેલ્યુ ધરાવતી કંપનીઓમીં એક છે.