સાવધાન..! તમારા ફોનમાં રહેલી આ એપ્સ ચોરી શકે છે તમારી બેંક ડિટેલ

જો તમે મોબાઇલનો ઉપયોગ કરી રહ્યા છો તો સતર્ક થઇ જાવ ESETના સિક્યુરિટી એક્સપર્ટે તાજતરમાં આપેલ જાણકારી અનુસાર પ્લેસ્ટોર પર એવી કેટલીય એપ્સ ઉપલબ્ધ છે જે Malware થી પ્રભાવિત થયેલી છે.

એક્સપર્ટના જણાવ્યા અનુસાર ગૂગલ પ્લેસ્ટોર પર ડિવાઇસ Cleaner બેટરી મેનેજર સહિત Horoscope જેવી 29 એપ્સ છે જે ખતરનાક Trojan virus થી પ્રભાવિત છે. 

સિક્યોરિટી એક્સપર્ટના જણાવ્યા મુજબ આ પ્રકારની એપ્સ સરળતાથી વપરાશકર્તાની અંગત માહિતી ચોરી શકે છે. સાથે જ વપરાશકર્તાના બેંક પાસવર્ડ સહિત તેના નાણાં પણ ચોરાઇ શકે છે.

આ સાથે જ જણાવવામાં આવ્યું હતું કે આ પ્રકારની એપ્સને પ્લેસ્ટોર પરથી હટાવવામાં આવી છે પરંતુ સૌ પ્રથમ યુઝર્સે પોતાના મોબાઇલ ફોનમાંથી આ પ્રકારની એપ્સને તાત્કાલિક અસરથી હટાવી દેવી જોઇએ. 

જ્યારે પણ તમે માલવેયરથી પ્રભાવિત થયેલી એપ્સનો ઉપયોગ કરી રહ્યા હોય ત્યારે તમને ફેક લોગઇન સ્ક્રીન દેખાશે. જ્યાં તમારી બેંક ડીટેલ ભરવાનું કહે છે. આ એપ્સ દ્વારા વપરાશકર્તાને એક Text messagesને સેન્ડ કરીને રિસીવ કરવામાં આવે છે આ સાથે જ OTPને ચોરીને યૂઝર્સની માહિતી લીક કરવામાં આવે છે.