ઓહ બાપરે.. / વાલીઓ ચેતજો: ધો.7ના ચાર વિદ્યાર્થીઓની બેગમાંથી જે મળ્યું તે જાણી તમારા હોશ ઊડી જશે

• અંબે વિદ્યાલયના વિદ્યાર્થીઓની બેગમાંથી મળ્યો દારૂ
• 4 વિદ્યાર્થીઓ દારૂની બોટલ અને સિગારેટ સાથે ઝડપાયા
• સંચાલકે ચાર વિદ્યાર્થીઓને કર્યા સસ્પેન્ડ

સ્કૂલના નાના બાળકોના બેગમાંથી સામાન્ય રીતે રમકડાં મળી આવતા હોય છે, પરંતુ હાલ જે મામલો સામે આવ્યો છે તેણે દરેકના હોંશ ઉડાવી દીધા છે. વડોદરાની સ્કૂલમાં વિદ્યાર્થીઓની બેગ ચેક કરવામાં આવતા એવી એવી વસ્તુઓ નીકળી કે દરેકના હોંશ ઉડી ગયા. 

બેગમાંથી દારૂની બોટલ અને સિગારેટ મળી આવી
વડોદરાની અંબે વિદ્યાલયમાં મેનેજેન્ટ દ્વારા સરપ્રાઈઝ બેગ ચેકિંગ હાથ ધરવામાં આવ્યું હતું. આ દરમિયાન વિદ્યાર્થીઓના બેગમાંથી દારૂની બોટલ અને સિગારેટ મળી આવતા હડકંપ મચી ગયો હતો. અંબે વિદ્યાલયમાં ધોરણ 7માં અભ્યાસ કરતા 4 વિદ્યાર્થીઓની બેગમાંથી દારૂની બોટલ-સિગારેટ મળી આવી હતી.

ચારેય વિદ્યાર્થીઓને સસ્પેન્ડ કર્યા
જે બાદ અન્ય વિદ્યાર્થીઓના વાલીઓએ પણ આ વિદ્યાર્થીઓ સામે પગલા ભરવાની મેનેજમેન્ટને રજૂઆત કરી હતી. જેથી સંચાલકે ચારેય વિદ્યાર્થીઓને સસ્પેન્ડ કર્યા છે.  આ અંગે વાલીએ જણાવ્યું કે, વાલીઓ માટે આ ઘટના ચિંતાનો વિષય છે. આવી ભૂલ કરનાર બાળકોનું કાઉન્સિલિંગ થવું જોઈએ, સાથે જ પોલીસેને જાણ કરીને દારૂ અને સિગારેટ ક્યાંથી આવી તે તપાસ થવી જોઈએ.

સળગતા સવાલ

• બાળકોને દારૂ અને સિગારેટ કોણે આપ્યા?
• બાળકોના ભવિષ્ય સાથે ચેડા કોણે કર્યા?
• સ્કૂલે જતા વિદ્યાર્થી પાસે દારૂ-સિગારેટ ક્યાંથી આવ્યા?
• બાળકોને નશાની લત્ત કોણે લગાવી?
• બાળકોને નશાના પાઠ કોણ શીખવી રહ્યું છે?
• શું બાળકો બુટલેગરોના સંપર્કમાં આવ્યા છે?
• શું બાળકોને દારૂ આપવો એ બુટલેગરોની નવી રણનીતિ છે?
• શું અન્ય શહેરના બાળકો પાસે પણ દારૂ હશે?
• દારૂ મુક્ત ગુજરાતમાં દારૂ ક્યાંથી આવ્યો?
• શું પોલીસ યોગ્ય રીતે પેટ્રોલિંગ નથી કરતી?
• લઠ્ઠાકાંડ બાદ પણ પોલીસની આંખ કેમ નથી ખુલતી?
• બાળકોને નશાની લત્ત લગાવનારા વિરુદ્ધ કાર્યવાહી ક્યારે થશે?
• ગુજરાતમાં દારૂબંધીનો કડક અમલ ક્યારે થશે?