ગજબ / બાળકના માતા-પિતા માટે ચેતવણીરૂપ કિસ્સોઃ રાજકોટમાં રમતા-રમતા બાળકે એવું કર્યું કે પરિવાર દોડતો થયો

• રાજકોટમાં બાળકના નાકમાં ફસાયો સ્ક્રૂ 
• રમતા-રમતા બાળકે નાખ્યો નાકમાં સ્ક્રૂ 
• તબીબની સમયસૂચકતાએ બચાવ્યો જીવ 

રાજકોટમાં એક બાળક સાથે ચમત્કારિક બચાવની ઘટના સામે આવી છે. બન્યું હતું એવું કે, ત્રણ વર્ષનો એક બાળક રમતા-રમતા નાકમાં મેટલનો એક સ્ક્રૂ નાખી ગયો. પિતાને જાણ થતા તે સ્ક્રુ કાઢવામાં લાગી ગયા પરંતુ બાળકે ઉંચો શ્વાસ ભરતા સ્ક્રૂ  નાકમા ફસાઈ ગયો હતો.

નાના બાળક શૌર્યના પિતા રીશીભાઈ ચિંતિત થઇ ગયા અને તાત્કાલિક નજીકમાં આવેલી વિધાનગર વિસ્તારની ડો,હિમાંશુ ઠક્કરની હોસ્પિટલમાં લઇ ગયા હતા. ડો.ઠક્કરે પ્રાથમિક તપાસ કરતા ખબર પડી કે સ્ક્રૂ નાકના ભાગમાં ઊંડે ઉતરી ગયો છે.તો પલ્વારના વિલંબ વગર તેમણે દૂરબીન દ્વારા નાક્ના એક બાજુના ભાગે ફસાયેલા મેટલના સ્ક્રૂને કાઢી આપ્યો હતો.

બાળક શૌર્યના નાકમાં ફસાયેલો સ્ક્રૂ લગભગ દોઢ સેન્ટીમિટર જેટલો મોટો હતો.