કાર્યવાહી / યુવતીઓને પરેશાન કરનાર રોમિયોની હવે ખેર નથી, પોલીસ આ રીતે રાખી રહી છે બાજ નજર 

દર મહિને 400થી વધુ યુવતીઓ રોમીયોથી પરેશાન

આધુનિક યુગમાં સ્માર્ટ ફોન લાઈફ લાઈન બની છે અને યુવા પેઢી સોસીયલ મિડીયામા જ સક્રીય રહે છે, પરંતુ આ ટેકનોલોજી વરદાન તો છે, પરંતુ યુવતીઓ માટે શ્રાપ પણ બની છે. કારણ કે, ગુજરાતમાં દરરોજ 10થી વધુ યુવતીઓ રોમીયોથી પરેશાન છે. ટેલીફોનીક કોલ કે મેસેજ અથવા તો બિભત્સ ફોટો અને વિડીયો મોકલવાના કિસ્સાઓ સતત વધી રહ્યા છે. વુમન સેફટી માટે શરૂ કરવામા આવેલી અભયમ હેલ્પલાઈનમાં યુવતીઓની હેરાનગતીના સૌથી વધુ કોલ સામે આવ્યા છે. દર મહિને 400થી વધુ યુવતીઓ રોમીયોથી પરેશાન છે અને પોતાની સલામતી માટે મદદ માંગી રહી છે. જેને લઈને અભયમ હેલ્પલાઈની સાથે ટેલિફોનીક સ્ટોક સેલની રચના કરવામાં આવી છે. આ સેલ દ્રારા રોમીયોથી પિડીત અનેક યુવતીઓને રક્ષણ આપીને અસામાજીક ત્તત્વો વિરૂધ્ધ કાર્યવાહી શરૂ કરી કરવામાં આવી છે.

યુવતીની ઓળખ છુપાવી રાખીને રોમીયોને સબક

સામાન્ય રીતે અસામાજીક ત્તત્વો અને રોમીયોથી પરેશાન યુવતીઓ કે મહિલાઓ પોતાની પીડા કે મુશ્કેલીઓને રજૂ કરી શકતી નહી. કારણ કે સમાજમાં બદનામી અને પરિવારમાં ધુત્કારનો ડર રહેતો હોય છે. જેના કારણે તે આવા અસામાજીક તત્વોના બિભત્સ મેસેજ અને શાબ્દીક છેડછાડને સહન કરીને ચુપ રહેતી હોય છે. પણ હવે આ સેલ દરેક યુવતીની ઓળખ છુપી રાખીને રોમીયોને સબક શીખવાડે છે. જો કોઈ યુવતીઓ રોમીયોથી પિડીત હોય અને અભયમ હેલ્પલાઈનમા ફોન કરે ત્યારે તરત જ આ કોલ ટેલીફોનીક સ્ટોક સેલમાં ટાર્ન્સફર થઈ જાય અને સેલમાં હાજર પોલીસ જવાન કાર્યવાહી શરૂ કરે. ફરિયાદ વગર જ યુવતીઓને રોમીયોથી છુટકારો આપવામાં આવે છે. 

આ સેલમા 7 મહિલા પોલીસ અને 4 પુરુષ પોલીસનો સમાવેશ છે. યુવતીની ફરિયાદને લઈને તેઓ રોમીયો વિરૂધ્ધ કાર્યવાહી કરે છે. જ્યા સુધી યુવતી આ મુશ્કેલીમાંથી બહાર ના નીકળે ત્યા સુધી તેનો સંપર્ક કરવામા આવે છે. હાલ આ સેલ દ્રારા 14 હજારથી વધુ યુવતીઓને પરેશાન કરનાર રોમીયોથી છુટકારો અપાયો છે. હવે આ સેલ યુવતીઓની સલામતી માટે મહત્વની ભૂમિકા નિભાવે છે.