જાગૃતિ / ડ્રગ્સના બદલે યુવાનો શરીર સારુ રાખીને કરી શકે છે દેશ સેવા : અમદાવાદ પોલીસનું થ્રીલ એડિક્ટ અભિયાન

• અમદાવાદ પોલીસનું અભિયાન
• ડ્રગ્સ અંગે ફેલાવી જાગૃતિ
• કમાન્ડો રિહર્સલ પણ કરાઈ

આજે અમદાવાદ  શહેર પોલીસ દ્વારા યુવાનોમાં ડ્રગ્સ અંગે જાગૃતિ લાવવા માટેનો અને ફિટનેશ પ્રત્યે અભિગમ કેળવવા માટે થ્રીલ એડિક્ટ કાર્યક્રમનું આયોજન સિંધુ ભવન રોડ ખાતે કરવામાં આવ્યું હતુ જેમાં આપણા કમાન્ડો કઈ રીતે દુશ્મનો સામે લડે છે તેનું પણ રિહર્સલ પણ કરવામાં આવ્યુ હતું. સાથે જ ડ્રગ્સના બદલે યુવાનો શરીરના સારુ રાખી કઈ રીતે દેશ સેવા કરી શકે છે તેની પણ ચર્ચા કરવામાં આવી હતી.

યુવાનો કુટેવોથી દૂર રાખવા અવનવા કાર્યક્રમનું આયોજન
યુવાનો કુટેવોથી દૂર રહેશે તો પોઝિટીવ થ્રીલ મળશે..આ વિચાર હેઠળ અમદાવાદ શહેર પોલીસ દ્વારા એન્ટી ડ્રગ માટે અવેરનેસ માટે અભિયાન યોજાયું હતું. યુવાનો જો ફીટનેસ અને હેલ્થ માટે ધ્યાન આપશે તો તેમના ભવિષ્ય માટે વધારે સારું છે. યુવાનો કુટેવોથી દૂર રહી અને જો ફીટનેસ ઉપર ધ્યાન આપશે તો તેમને પોઝિટીવ એડવેન્ચર અને થ્રીલ મળશે. અને તે માટે જ હવે શહેર પોલીસ અલગ અલગ કાર્યક્રમ કરવા જઈ રહી છે.

ચેતક કમાન્ડોએ કર્યા દિલધડક સ્ટંટ
18 માળના બિલ્ડિંગ પરથી ચેતક કમાન્ડોના દિલધડક કરતબ સાથે યુવાનો માટે મ્યુઝીકલ પાર્ટીનું આયોજન કરાયુ હતું.ગુજરાતમાં શહેરીકરણ વધવાની સાથે સાથે યુવાનો દ્વારા નશીલા માદક દ્રવ્યોનું સેવન કરવાના પ્રમાણમાં પણ માતબર વધારો થયો છે. યુવાનો જે રીતે ડ્રગ્સના રવાડે ચડી રહ્યાં છે તેવા સંજોગોમાં આ દૂષણને નાબૂદ કરવા માટે પોલીસ અને અન્ય એજન્સીઓ પણ આ બદીને રોકવા માટે સક્રિય બની ગઈ છે. તેમ છતાં પણ ગુજરાતમાં આ દૂષણ રોકાવાનું નામ જ નથી લેતું ત્યારે અમદાવાદ પોલીસ દ્વારા ડ્રગ એડિક્ટ સામે થ્રીલ એડિક્ટ યોજવામાં આવી હતી જેને સારો પ્રતિસાદ મળ્યો હતો. જેથી યુવાનો સુધી જે મુળ સંદેશ પહોંચાડવો છે તે હેતુ સિદ્ધ થઈ શકે.સિંધુ ભવન સ્થિત 18 માળના બિલ્ડીંગ પરથી ચેતક કમાન્ડો રેપલીંગના માધ્યમથી દિલધડક કરતબ કર્યા હતા. આ કરતબ બતાવવા પાછળ યુવાનોમાં સ્વાસ્થ્ય સંદર્ભે જાગૃતતા આવે અને શરીરને ખોખલા કરી દેતાં નશીલા દ્રવ્યોથી દૂર રહી શકે તે માટેનો છે.

રેપલીંગ કરાવવા માટેની તૈયારી
ડ્રગ્સને લઈને  અવેરનેસનો કાર્યક્રમ રવિવારે સાંજે 6 વાગ્યે સિંધુ ભવન રોડ સ્થિત સ્કાય લાઈન ખાતે યોજાયો હતો. આ કાર્યક્રમમાં ભાગ લેનારા યુવાનો પણ જો દિલધડક રેપલીંગ કરી અને થ્રીલની મજા લેવા માગતા હશે તો તેમને પણ યોગ્ય તકેદારી સાથે 18 માળના બિલ્ડીંગ પૈકી નીચેના છઠ્ઠા માળ ખાતેથી રેપલીંગ કરાવવા માટેની તૈયારી પણ અમદાવાદ પોલીસ દ્વારા કરવામાં આવી હતી.તો સાથે ટેરરિઝમ એલિમેન્ટ હોય તેવા સંજોગોમાં NSG પાસે રહેલા ડોગ્સ અત્યંત મહત્વપુર્ણ સાબિત થતા હોય છે. આતંકવાદીઓ કે તેમની હિલચાલ સંદર્ભી માહિતી મેળવવા માટે NSGના ડોગ્સ કડીરૂપ ભૂમિકા ભજવતાં હોય છે. અમદાવાદ પોલીસ દ્વારા NSG કમાન્ડોને પણ ડોગ્સના માધ્યમથી થતી તપાસનો કરતબ બતાવવા પણ વિનંતી કરાઈ હતી. તેઓ પણ ડોગ્સના કરતબ બતાવ્યા હતા

હેલિકોપ્ટરના માધ્યમથી કરતબ બતાવવાની વિચારણાં
ગુજરાતમાં સૌ પ્રથમ વખત અમદાવાદ પોલીસ ડ્રગ્સ એડિક્શન સામે થ્રીલ એડિક્ટનો અભિગમ અપનાવી રહી છે ત્યારે પ્રથમ વખતના આ પ્રયોગ અંતર્ગત મળેલા પ્રતિસાદ બાદ બીજી વખત પણ અમદાવાદ પોલીસ ડ્રગ્સ વિરોધી અભિયાન અંતર્ગત અન્ય પ્રયોગ કરવાનું આયોજન પણ કરી રહી છે. બીજી વખતના પ્રયોગમાં હેલિકોપ્ટરના માધ્યમથી કરતબ બતાવવાની વિચારણાં અમદાવાદ પોલીસ કરી રહી છે.