સુરતમાં શ્રવણ તીર્થ યાત્રાના નામે યાત્રાળુઓ સાથે છેંતરપીંડી થઈ હોવાનું સામે આવ્યું છે. મહિલાઓ પાસેથી પૈસા લઈ લીધા બાદ તેઓને યાત્રામાં લઈ જવાયા ન હતા. પોલીસે છેંતરપીંડીનો ગુનો નોંધ્યો છે.
સુરતમાં 1200 જટેલા યાત્રાળુઓ સાથે ચિટિંગ
અશોક લુણાગરિયાએ નજીકના સગાઓ સાથે મળી ચિટિંગ કર્યુ
એક યાત્રાળુ દીઠ 3 હજાર રૂપિયા લેતા હતા
સુરતમાં શ્રવણ તીર્થ યાત્રાના નામે યાત્રાળુઓ સાથે છેંતરપીંડી થઈ હોવાનું સામે આવ્યું છે. 1200 જેટલી મહિલાઓ પાસેથી પૈસા લઈ લીધા બાદ તેઓને યાત્રામાં લઈ જવાયા ન હતા. આ મામલે પોલીસે અશોક લુણાગરિયા સામે છેંતરપીંડીનો ગુનો નોંધી આગળની કાર્યવાહિ હાથ ધરી હતી. પોલીસે અશોક લુણાગરિયાની ધરપકડ કરી
સુરતમાં હરીદ્વાર, ઋષિકેશ, વૃંદાવન, આગ્રા, મથુરાની યાત્રાના નામે ચિટીંગ કરી હતી. ત્યારે અશોક લુણાગરિયા વોર્ડ નંબર 15 ની ભાજપની મહિલા મોરચાની કારોબારી સભ્યનો પુત્ર છે. ત્યારે મહિલાઓએ આ બાબતે પોલીસને રજૂઆત કરતા પોલીસે અશોક લુણાગરિયાની ધરપકડ કરી હતી. અશોક લુણાગરિયા દ્વારા એક યાત્રાળુ દીઠ 3 હજાર રૂપિયા લેતો હતો. ત્યારે પોલીસ તમામ રૂપિયાની રીકવરી કરી રૂપિયા પરત આપશે.
તમામ પૈસા રીકવર કરવામાં આવશે
આ બાબતે સુરત પોલીસ કમિશ્નર દ્વારા જણાવ્યું હતું કે આપણા સમાજમાં લોકોને ધાર્મિક સ્થળો પર ફેરવવાનાં બહાને તેઓ સાથે છેંતરપીંડી કરવામાં આવી છે. ત્યારે આ બાબતે તપાસ કરતા અશોક લુણાગરિયા તેના કેટલાક મિત્રો તેમજ તેની માતા સાથે મળીને આ ગુનો આચરવામાં આવ્યો છે. અત્યારે પોલીસ દ્વારા તેની ધરપકડ કરવામાં આવી છે. અચાનક તેનું સુગર વધી જતા હાલ તે હોસ્પિટલમાં દાખલ છે. હોસ્પિટલમાંથી રજા આપ્યા બાદ તેની ધરપકડ કરવામાં આવશે. તેમજ તેઓ પાસેથી તમામ પૈસા રીકવર કરવામાં આવશે.