IPLIN
 

આકર્ષણ / ગુજરાત સરકારનું બજેટ રજૂ: 'બજેટ બેગ' બની આકર્ષણનું કેન્દ્ર, વારલી શૈલીમાં કરાયું છે પેઇન્ટિંગ

Team VTV 01:51 PM, 03 Mar 22 | Updated: 04:46 PM, 03 Mar 22
Follow us
Warli painting on red color bag for Gujarat budget 2022

ગુજરાત સરકાર આજે પોતાનું 2022નું બજેટ રજૂ કરી રહી છે, ત્યારે બજેટ બ્રીફકેસ પણ આકર્ષણનું કેન્દ્ર બની હતી.

  • આ વખતના બજેટમાં  લાલ રંગની બજેટ બેગ બની આકર્ષણનુ કેન્દ્ર
  • બજેટ બેગ પરનું વારલી પેઇન્ટિંગ આદિવાસી કળાની એક આગવી શૈલી
  • રાજ્યની સાંસ્કૃતિક કળાને સૂચક રૂપે જોડતું નવું અભિગમ!

રાજ્ય સરકારના નાણામંત્રી કનુભાઈ દેસાઈ કલાત્મક બેગ લઈને બજેટ રજૂ કરવા વિધાનસભા પહોંચ્યા હતા. જ્યાં આ લાલ રંગની બજેટ બેગ ખાસ આકર્ષણનુ કેન્દ્ર બની છે. નોંધનીય છે કે, લાલ રંગની બેગ પર વારલી પેઇન્ટિંગ કરવામાં આવી છે. બજેટ બેગ પર વારલી પેઇન્ટિંગ એ આદિવાસી કળાની એક શૈલી છે.

માન.નાણામંત્રી  કનુભાઈ દેસાઈ આજે ગુજરાત વિધાનસભા ખાતે વર્ષ૨૦૨૨-૨૦૨૩નુ અંદાજપત્ર રજૂ કરવા આવીપહોચ્યા એ વેળાની તસ્વીર. નાણામંત્રીએ રેગ્યુલર બેગની જગ્યાએ ખાસ પ્રકારનો લાલ રંગનુ બોકસ બજેટ ભાષણ માટે રાખવામા આવ્યુ છે. આ બોકસ ઉપર આદિજાતિ સંસ્કૃતિની ઓળખ સમી વારળી પેઈન્ટીગ અને કચ્છની ભાતીગળ બોર્ડર અંકિત કરેલી છે. સાથે ભારતના રાજચિન્હ અશોક સ્તંભને દર્શાવેલ છે આમ, આઝાદીના અમૃત મહોત્સવ સાથે આદિવાસી સમાજની આગવો ઓળખને પણ સાંકળવામાં આવી છે.

 

ભૂપેન્દ્ર પટેલ સરકારનું પ્રથમ બજેટ ચૂંટણીલક્ષી બજેટ રહે તેવો અંદાજ લગાવવામાં આવી રહ્યો છે. તો બજેટમાં નવા વેરાની કોઇ શક્યતા નથી. અનેક યોજનાઓ, રોજગાર વધારવા તેમજ શહેર અને ગામડા માટે વિકાસલક્ષી જાહેરાત થઇ શકે છે. બજેટમાં મકાન ખરીદી, રજીસ્ટ્રેશન ફીમાં રાહત, ખેડૂતોને પ્રોત્સાહન મળી શકે છે. ત્યારે હવે બજેટને લઇને મુખ્યમંત્રી ભૂપેન્દ્ર પટેલ વિધાનસભા પહોંચ્યા હતા.

પ્રજાલક્ષી અને સર્વ સમાવેશી બજેટ રહેશેઃ મુખ્યમંત્રી ભૂપેન્દ્ર પટેલ

પ્રથમ બજેટને લઇ CM ભૂપેન્દ્ર પટેલે કહ્યું કે, પ્રજાલક્ષી અને સર્વ સમાવેશી બજેટ રહેશે. લોકોની અપેક્ષા પૂર્ણ કરનારું બજેટ રહેશે.

 

બજેટમાં તમામ લોકોની સુખાકારીને ધ્યાને લેવાશેઃ કનુ દેસાઇ

કનુ દેસાઈએ કહ્યું કે, બજેટ નાગરિકોને રાહત આપનારુ રહેશે. બજેટ મહિલાઓ,માછીમારો માટે સારુ રહેશે. ખેડૂતો, નોકરિયાત વર્ગ,યુવાનોને સારા સમાચાર આપનારું રહેશે. બજેટ દર વર્ષની જેમ વધારા સાથેનું હશે. બજેટમાં નવી યોજના અને ઇન્ફ્રાસ્ટ્રકચર સંબંધિત યોજના જાહેર કરાશે.

 

ગામડાઓ માટે પણ બજેટ લાભદાયક બની રહેશેઃ જીતુ વાઘાણી

બજેટને લઇને સરકારના પ્રવક્તા જીતુ વાઘાણીએ કહ્યું કે, ભૂપેન્દ્ર પટેલની સરકારનું પ્રથમ બજેટ છે. જનતાના હિતમાં અમે કામગીરી કરી રહ્યા છીએ. ગામડાઓ માટે પણ બજેટ લાભદાયક બની રહેશે.

ભાજપનું આ છેલ્લું બજેટ હશેઃ વિપક્ષ નેતા

બજેટને લઇને વિપક્ષ નેતા સુખરામ રાઠવાએ કહ્યું કે, ભાજપનું આ છેલ્લું બજેટ હશે. તમામ વર્ગ માટે સુખાકારીવાળું બજેટ હોય તેવી અપેક્ષા છે. વર્ષ 2023માં કોંગ્રેસ બજેટ રજૂ કરશે. ચૂંટણી પહેલાનું બજેટ હોવાથી વાયદાઓની વર્ષા થશે.

gujarat budget 2022 Budget 2022 Kanubhai Desai warli painting budget bag of gujarat GujaratBudgetwithVTV
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ