બોક્સ ઑફિસ / 300 કરોડ ક્લબમાં 'વૉર', 2019 ની સૌથી મોટી બ્લૉકબસ્ટર બની રિતિક-ટાઇગરની ફિલ્મ

રિતિક અને ટાઇગરની ફિલ્મ 'વૉર' રિલીઝના પહેલા દિવસથી અત્યાર સુધી દુનિયાભરમાં ઘણા રેકોર્ડ્સ બનાવી ચૂકી છે. તાજેતરમાં જ ફિલ્મે કમાણીના મામલા શાહિદ કપૂર  અને કિયારા અડવાણીની ફિલ્મ 'કબીર સિંહ' પાછળ છોડી દીધી છે. ટ્રેડ એનાલિસ્ટ તરણ આદર્શે ટ્વીટ કરીને કહ્ય કે, ફિલ્મ 'વૉર' એ 300 કરોડનો આંકડો પાર કરી દીધો છે. 

Abki baar 300 paar... #War hits triple century... Analysing the Blockbuster run of the highest grossing #Hindi film of 2019... My opinion on Bollywood Hungama: https://t.co/6yJGpETpbB pic.twitter.com/wb8QYbGeji

— taran adarsh (@taran_adarsh) October 21, 2019

'વૉર' બનાવ્યા આ રેકોર્ડ્સ:

રેકોર્ડ્સની વાત કરવામાં આવે તો આ ફિલ્મ પોતાના ઑપનિંગ ડે પર 53.35 કરોડની કમાણી કરી, આ સાથે જ આમિર ખાનની ફિલ્મ 'ઠગ્સ ઑફ હિન્દોસ્તાન'નો સૌથી મોટી ઑપનિંગનો રેકોર્ડ પોતાના નામે કર્યો. આ પછી ફિલ્મે 3 દિવસમાં 100 કરોડની કમાણી કરવાનો નવો રેકોર્ડ બનાવ્યો. ફિલ્મ 'વૉર' એ માત્ર 7 દિવસોમાં 200 કરોડની કમાણી કરી સલમાન ખાનની 'ભારત' અને શાહિદ કપૂરની ફિલ્મ 'કબીર સિંહ'નો રેકોર્ડ તોડ્યો.

આ ફિલ્મે અત્યાર સુધી 8 થી વધારે રેકોર્ડ્સ પોતાના નામે કર્યો, જેમાં 200 કરોડ ક્લબમાં એન્ટ્રી કરનારી ટાઇગરની પહેલી ફિલ્મ, 2019માં સૌથી વધારે 200 કરોડની કમાણી કરનારી ફિલ્મ, હાઇએસ્ટ ઑપનર હિંદી ફિલ્મ, હાઇએસ્ટ ઑપનર (નેશનલ હોલિડે), રિતિક-ટાઇગર- YRFની હાઇએસ્ટ ઑપનર, રિતિક-ટાઇગરના કરિયરની હાઇએસ્ટ ઑપનર, 2019માં ઑપનિંગ ડેમાં સૌથી વધારે કમાણી કરનારી, લિમિટેડ રિલીઝ હોવા ફિલ્મે રેકોર્ડ બ્રેકિંગ કમાણી કરી.

તમને જણાવી દઇએ કે, 'વૉર' ભારતમાં 4000 સ્ક્રીન્સ પર અને વિદેશોમાં 1350 સ્ક્રીન્સમાં રિલીઝ થઇ છે. આ પછી ફિલ્મને 200 સ્ક્રીન્સની વધારે આપવામાં આવી.