નિવેદન / 'વિરાટ' ને કંટ્રોલ કરવા માટે ન્યૂઝીલેન્ડે અપનાવ્યો હતો આ પ્લાન, બૉલરે પોતે કર્યો ખુલાસો

ન્યૂઝીલેન્ડના ઝડપી બૉલરે કહ્યુ હતુ કે, તે કોહલીને સેટ થવા દેવા ઇચ્છતો ન હતો અને તેણે બાઉન્સર્સ દ્વારા ટીમ ઇન્ડિયાના કેપ્ટનને આઉટ કરવામાં સફળતા મેળવી હતી.

વિરાટ કોહલીએ બીજી ઇનિંગમાં 43 બૉલમાં 19 રનમાં આઉટ થયો હતો, બોલ્ટના બાઉન્સર પર હૂક શોટ રમવાનો પ્રયાસમાં વિરાટે વિકેટકીપર બીજે વોટલિંગના હાથે કેટ આઉટ થઇ ગયો હતો. આ સાથે જ ટીમ ઇન્ડિયાને મોટો ફટકો પડ્યો હતો અને યજમાન પાસે ચોથા દિવસે જ મેચ પૂરી કરવાની તક રહેલી છે. રવિવારે ત્રીજા દિવસના અંતે ટીમ ઇન્ડિયાએ 144 રનમાં ચાર વિકેટ ગુમાવી દીધી છે, તે હજી 39 રન પાછળ છે. 

ત્રીજા દિવસે અંતે બોલ્ટે જણાવ્યુ હતુ કે, અમે વિરાટ કોહલીએ સેટ થવા ઇચ્છતા ન હતા. અમારી દ્રષ્ટિએ અમે વિકેટનો ઉપયોગ કર્યો હતો અને શોર્ટ બૉલ દ્વારા કોહલીના રન રેટને નિયંત્રણમાં રાખવા ઇચ્છતા હતા. અમારા માટે આ શ્રેષ્ઠ રણનીતિ હતી.

બોલ્ટે તેની સાથે બોલર કાયલે જમિસનની પણ પ્રશંસા કરી હતી જેણે શોર્ટ બૉલ દ્વારા કોહલીને શાંત રાખ્યો હતો. તેણે કહ્યુ હતુ કે, કોહલીને શોર્ટ બૉલનો શિકાર બનાવીએ અમે ખુશ છીએ પરંતુ મારા મતે કાયલેએ પણ સારી બોલિંગ કરી હતી ખાસ કરીને કોહલી સામે તેણે જ સ્પેલ કર્યો હતો અને તેને રન નોંધાવવા દીધા ન હતા. 

બોલ્ટ તાજેતરમાં જ ઇજામુક્ત થઇને કમબેક કરી રહ્યો છે અને તેણે બીજા દાવમાં ચેતેશ્વર પૂજાર અને વિરાટ કોહલી સહિત 3 વિકેટ ઝડપીને ટીમને મજબૂત સ્થિતિમાં મૂકી દીધી છે. પોતાના ફોર્મ અંગે સંતોષ વ્યક્ત કરતા તેણે કહ્યુ હતુ કે, કમબેક કરીને હું ઘણો ખુશ છું. ગ્રાઉન્ડની બહાર બેસીને હું ઘણો અકળાઇ ગયો હતો, આજે મને બોલિંગ કરવાની ઘણી મજા આવી.