હાડકાં શરીરની આંતરિક રીતે રક્ષા કરે છે. ઈજા અને ઓસ્ટિયોપોરોસિસનાં જોખમને રોકવા માટે નાની ઉંમરથી જ હાડકાંની દેખરેખ રાખવી જરૂરી છે. કેલ્શિયમ એક એવું ખનીજ છે, જે હાડકાંઓની ડેન્સિટી અને હાડકાંઓને મજબૂત કરવામાં મદદ કરે છે.
આ કારણોસર ઘરના વડીલ હંમેશાં બાળપણથી હાડકાંઓને મજબૂત કરવા માટે ડેરી પ્રોડક્ટ અને કેલ્શિયમ સપ્લિમેન્ટનું સેવન કરવાની સલાહ આપે છે. મજબૂત હાડકાં માટે માત્ર કેલ્શિયમ નહીં પરંતુ, અન્ય પોષકતત્ત્વની પણ જરૂર છે.
લીલાં શાકભાજી
લીલાં શાકભાજીમાં ભરપૂર માત્રામાં પ્રોટીન અને પોષણ રહેલું હોય છે. તમારાં સ્વાસ્થ્ય માટે તે ખૂબ જ લાભદાયી છે. જો તમારા હાડકાં નબળાં હોય તો તમારે તમારે આહારમાં લીલાં શાકભાજી જરૂરથી સામેલ કરવા જોઈએ.
સોયાબીન
સોયાબીનનું શાક ખૂબ જ સ્વાદિષ્ટ હોય છે, તેમાં ભરપૂર પ્રમાણમાં પ્રોટીન રહેલું છે. જે શરીરને અનેક પ્રકારનાં પોષકતત્ત્વ આપે છે. સોયાબીન કેલ્શિયમ અને પ્રોટીનનો ખૂબ જ સારો સ્ત્રોત છે, જે તમારાં હાડકાં માટે ખૂબ જ લાભદાયી છે.
બદામ
બદામ આરોગ્ય અને મગજ માટે ખૂબ જ લાભદાયી છે. તેમાં ભરપૂર માત્રામાં વિટામિન રહેલું હોય છે. બદામ રાત્રે પાણીમાં પલાળીને તેનું સેવન કરવાથી તમારા શરીરને ખૂબ જ લાભ કરે છે.
વિટામિન કે હ્રદયરોગ, ડાયાબિટીસ અને કેન્સર માટે વિટામિન કેનું પર્યાપ્ત માત્રામાં સેવન કરવું જરૂરી છે. આહારમાં વિટામિન કે યુક્ત ભોજનને સામેલ કરવું જરૂરી છે, જે હાડકાંઓને સ્વસ્થ રાખે છે. બ્રોકલી, પાલક, કોબીજ અને લેટ્યૂસમાં વિટામિન રહેલું છે.
વિટામિન ડી
હાડકાંઓની ડેન્સિટી વધારવા અને સ્વસ્થ હાડકાં માટે વિટામિન ડી ખૂબ જ જરૂરી છે. ત્વચાની કોશિકાઓમાં જમા થયેલ કોલસ્ટ્રોલને બ્રેક કરીને સનલાઈટના સંપર્કમાં આવે છે, ત્યારે શરીરની અંદર ચરબીમાં સેલ્યુબલ વિટામિન બને છે. સૂર્યપ્રકાશ, ભીંડા, પાલક, સોયાબીન જેવા ખાદ્યપદાર્થમાંથી વિટામિન ડી મળે છે.
મેગ્નેશિયમ
જે લોકો આહારમાં સૌથી વધુ મેગ્નેશિયમનું સેવન કરે છે તે લોકોનાં હાડકાંઓની ડેન્સિટી વધુ હોય છે.