હેલ્થ / ફેટી લિવરની સમસ્યાથી મેળવવો છે છૂટકારો? તો આજથી જ સુધારો તમારી આ દિનચર્યા નહીં તો....

• ફેટી લિવરની સમસ્યા દૂર કરવા શું કરવું 
• લિવરની આસપાસ વધુ માત્રામાં ફેટ જમા થાય તો શું કરશો 
• લિવર કેન્સર, સિરોસીસ એટલે કે લિવર સંકોચાવું અને લિવર ફેલ થઈ શકે 

ફેટી લિવર આજની આધુનિક અને ફાસ્ટ લાઇફની સૌથી મોટી સમસ્યા બનતી જાય છે. ફેટી લિવર એટલે લિવરની આસપાસ વધુ માત્રામાં ફેટ જમા થવી અને સોજો આવી જવો. તેની પાછળનું મુખ્ય કારણ ખોટી લાઇફસ્ટાઇલ છે. જો આ સમસ્યા પર યોગ્ય સમયે કાબૂ મેળવવામાં ન આવે તો લિવર કેન્સર, સિરોસીસ એટલે કે લિવર સંકોચાવું અને લિવર ફેલ થવા જેવી સમસ્યાઓનો સામનો કરવો પડે છે. 

આવા સંજોગોમાં ગંભીર બીમારીમાંથી બચવા અને લિવરને સ્વસ્થ રાખવા માટે તમારા ડેઇલી રૂટિનમાં કેટલાંક પરિવર્તન લાવો તો તમે નેચરલી લિવરની હેલ્થ જાળવી શકશો. 

• તમારી દિનચર્યા સુધારોઃ ખોટા રૂટિનના કારણે લિવરમાં સોજાની સમસ્યા રહે છે. આવા સંજોગોમાં પોતાનો ડેઇલી રૂટિન ચાર્ટ તૈયાર કરો. સવારે વહેલાં ઊઠીને યોગ અને એક્સર્સાઇઝ કરો. હેલ્ધી ડાયટ લો. મોડી રાત સુધી જાગવાના બદલે સમયસર સૂવાની આદત પાડો, તેનાથી તમારા આખા શરીરને આરામ મળશે. 
• વ્યસનથી દૂર જ રહોઃ દારૂ, તમાકુ, ચા, કોફી વગેરે જેવી વસ્તુઓનું વધુ માત્રામાં સેવન કરવાથી ફેટી લિવરની સમસ્યા આવી શકે છે, તેનાથી સિરોસીસ કે આલ્કોહોલિક હિપેટાઇ‌િટસ થવાનો ખતરો અનેકગણો વધી જાય છે. આ સાથે ભારે માત્રામાં મીઠી વસ્તુઓના સેવનથી લિવર સાથે જોડાયેલી સમસ્યાઓ થાય છે. 
• યોગ અને કસરત કરોઃ રોજ સવારની ૩૦ મિનિટ ખુલ્લી તાજી હવામાં એક્સર્સાઇઝ કરવાથી ફેટી લિવરની પરેશાનીથી બચી શકાય છે. આ ઉપરાંત તમારા વધતા વજનને કંટ્રોલમાં રાખો. લિવરને હેલ્ધી રાખવા માટે વજન પર કંટ્રોલ રાખવો ખૂબ જરૂરી છે.
• આટલી વસ્તુનું સેવન જરૂર કરો:  ઔષધીય ગુણોથી ભરપૂર તજનો પાઉડર બનાવી તેનો ઉપયોગ કરો. એક ગ્લાસ પાણીમાં બે ચપટી તજનો પાઉડર નાખી ઉકાળો. તૈયાર થયેલા પાણીને ગાળી તેનું સેવન સવારે ભૂખ્યા પેટે કરો. અળસીનાં બી અનેક પોષક તત્ત્વોથી ભરપૂર હોય છે, તેનાં બીને સલાડમાં નાખી કે અન્ય કોઇ વાનગીમાં મિક્સ કરીને કે પછી મુખવાસ તરીકે ખાવાં જોઇએ. 

નોંધનીય છે કે, આમળાં તમામ વિટામિન્સ, મિનરલ્સ અને એ‌િન્ટ ઓક્સિડન્ટથી ભરપૂર છે, તેના સેવનથી લિવરની યોગ્ય રીતે સાફસફાઇ થઇ શકે છે, તેને કાચાં પણ ખાઇ શકાય અને તેનો ચ્યવનપ્રાશ, આચાર, મુરબ્બો વગેરેના રૂપમાં તેને ડાયટમાં સામેલ કરો.

Disclaimer: આ લેખમાં દર્શાવેલ પદ્ધતિઓ અને દાવાઓને માત્ર સૂચનો તરીકે લો આવી કોઈપણ સારવાર/દવા અને સૂચનનો અમલ કરતા પહેલા કૃપા કરીને ડૉક્ટર અથવા સંબંધિત નિષ્ણાતની સલાહ લો.