કમરથી નીચેના ભાગમાં દુખાવાના કારણે ટીમ ઇન્ડિયાનો ઑલરાઉન્ડર હાર્દિક પંડ્યાને વેસ્ટ ઇન્ડિઝ પ્રવાસે રમાડ્યો નહતો. તો હવે દક્ષિણ આફ્રિકાની સામે 15 સપ્ટેમ્બરથી શરૂ થનારી સીરિઝમાં રમશે.
હાર્દિક પંડ્યાને કમરના દુખાવાના કારણે વેસ્ટ ઇન્ડિઝ પ્રવાસમાં આરામ અપાયો હતો
મુંબઇમાં ટ્રેનિંગ કરવાની સમસ્યા થતાં વડોદરા ગયો હતો
સાઉથ આફ્રિકાની સામે શરૂ થનારી ટી 20 સીરિઝ માટે હાર્દિક પંડ્યા તૈયાર
ભારતીય ક્રિકેટ ટીમના ખેલાડી હાર્દિક પંડ્યાને તાજેતરમા જ વેસ્ટ ઇન્ડિઝ પ્રવાસ પર આરામ આપવામાં આવ્યો હતો. 25 વર્ષના ઑલરાઉન્ડર પંડ્યાએ આ બ્રેકમાં આરામની જગ્યાએ મહેનત કરવાનું પસંદ કર્યું. એ દિવસમાં બે વખત ટ્રેનિંગ કરતો હતો. મુંબઇમાં ચાલુ ભારે વરસાદના કારણે એને ટ્રેનિંગ કરવાની સમસ્યા થઇ તો એ વડોદરા જતો રહ્યો.
પંડ્યાની દક્ષિણ આફ્રિકાની સામે રવિવારથી શરૂ થનારી 3 મેચોની ટી 20 સીરિઝ માટે ટીમમાં વાપસી થઇ છે. એને કહ્યું કે એ બ્રેકમાં પોતાની ફિટનેસ પર કામ કરી રહ્યો હતો અને હવે દક્ષિણ આફ્રિકાની સામે રમાનારી મેચ માટે તૈયાર છે.
ગુરુવારે એને ટ્વિટ કરીને લખ્યું ये हम चले! मैदान पर वापसी का और इंतजार नहीं कर सकता...' સાથે જ એને ફોટો શેર કર્યો છે, જેમાં પંડ્યા બ્રધર્સ ઉપરાંત કેએલ રાહુલ અને શ્રેયસ અય્યર જોવા મળી રહ્યા છે. સાઉથ આફ્રિકાની સામે ટી 20 સીરિઝ 15 સપ્ટેમ્બરથી શરૂ થઇ રહી છે. પહેલી મેચ ધર્મશાળામાં રમાશે.
પંડ્યાએ કહ્યું, 'મારા માટે આ બ્રેક ખૂબ જ જરૂરી હતો, કારણ કે આઇપીએલ ખૂબ લાંબી રમાઇ અને ત્યારબાદ વર્લ્ડકપ હતો. બંને ટૂર્નામેન્ટમાં મે સારું પ્રદર્શન કર્યું હતું. એટલા માટે હું મારું સર્વશ્રેષ્ઠ આપવાના પ્રયત્નમાં હતો અને એના માટે શરીર માટે આરામની જરૂર હતી કારણ કે બચાવ સારવાર કરતા વધારે સારું હોય છે. ત્યારે ટીમ વ્યવસ્થાએ નિર્ણય લીધો કે મને આરામ આપવામાં આવે અને હું દક્ષિણ આફ્રિકા સીરિઝમાં વાપસી કરીશ.'
હાર્દિકે આગળ કહ્યું કે હું કે ટીમ પ્રબંધન એવું ઇચ્છતા નહતા કે ઇજા પહોંચે. આરામે મારી ઘણી મદદ કરી અને મારી ફિટનેસ એક અલગ સ્તર પર પહોંચી ગઇ. મેને એક પ્રકારની પિલેટ્સ એક્સરસાઇઝ કરવાનું પણ શરૂ કર્યું અને એનાથી મને મદદ મળી.
પિલેટ્સ એક પ્રકારનો વ્યાયામ છે, જે માંસપેશીઓને સંતુલન અને તાકાત પર કેન્દ્રીત છે. પિલેટ્સનું નામ જોસેફ પિલેટ્સના નામ પર રાખવામાં આવ્યું છે, જેમને 1920ના દશકમાં આ અભ્યાસને વિક્સિત કર્યો હતો.
પંડ્યાએ કહ્યું, 'ક્રિકેટ ખેલાડીઓ માટે કોઇ અલગ વાત નથી. એટલા માટે હું જોવા ઇચ્છતો હતો કે આ કેવી રીતે કામ કરે છે અને મારા માટે સારું કામ કર્યું. છેલ્લા એક મહિનામાં મે દિવસમાં બે વખત ટ્રેનિંગ કરી. મારી પીઠની સમસ્યા માટે જરૂરી હતું કે હું કંઇક નવું કરું.'
પંડ્યાને અચાનક વડોદરા જવા માટે પૂછવામાં આવ્યું તો એને કહ્યું, 'મુંબઇમાં ખૂબ વરસાદ પડી રહ્યો હતો, એટલા માટે મે માત્ર 2 કલાકમાં નિર્ણય લીધો કે હું મારા ઘરે પરત જઇશે અને દક્ષિણ આફ્રિકા માટે તૈયાર કરીશ.'
નોંધનીય છે કે ઇંગ્લેન્ડમાં રમવામાં આવેલ વર્લ્ડકપમાં સેમીફાઇનલમાં હાર મળી હતી. એને પંડ્યાને પરેશાન જરૂર કરી, પરંતુ આ ખેલાડી આવતા વર્ષે યોજાનારી ટી 20 વર્લ્ડકપ પર છે.