સ્વાસ્થ્ય ટિપ્સ / બ્લડ શુગર લેવલને કંટ્રોલમાં લાવવું છે? તો આજથી જ તમારી લાઇફસ્ટાઇલમાં લાવો આ ચેન્જ

• ઊંઘની કમીથી ઇન્સ્યુલિન લેવલ પર ખરાબ અસર પડી શકે
• એક્સરસાઈઝ ઉપરાંત શુગર લેવલને કંટ્રોલ કરવા માટે જરૂરી
• આ રીતે બ્લડ શુગર લેવલને કંટ્રોલમાં રાખી શકાય 

ડાયાબિટીસ એક એવી બીમારી છે, જે એક વાર થઇ ગયા પછી લાઇફટાઇમ પીછો છોડતી નથી, જોકે તમે તમારી લાઇફસ્ટાઇલમાં બદલાવ કરીને તેમાંથી છુટકારો મેળવી શકો છો. ડાયાબિટીસના દર્દીઓ પોતાની ખાણી-પીણીની સાથે-સાથે કેટલીક સારી આદતો પણ અપનાવશે તો શુગર લેવલ કંટ્રોલમાં રહેશે. સૌથી પહેલાં તો રાતે રિલેક્સ થઇને સૂઓ, સ્ટ્રેસ ન લો. ઊંઘ સૌથી મહત્ત્વની છે. જે ડાયટ અને એક્સરસાઈઝ ઉપરાંત શુગર લેવલને કંટ્રોલ કરવા માટે જરૂરી છે. ઊંઘની કમીથી ઇન્સ્યુલિન લેવલ પર ખરાબ અસર પડી શકે છે. જો તમે પણ બ્લડ શુગર લેવલને કંટ્રોલમાં રાખીને હેલ્ધી લાઇફસ્ટાઇલ જીવવા ઇચ્છો છો તો આટલી બાબતોનો ખાસ ખ્યાલ રાખો. રાતે આ રૂટિન અવશ્ય ફોલો કરો.

કેફીનનું સેવન ઘટાડો
રાતે સૂતાં પહેલાં કદી પણ કેફીનયુક્ત પદાર્થોનું સેવન ન કરો. ચા, કોફી, ચોકલેટ, સોડા જેવી વસ્તુઓના સેવનથી દૂર રહો. કેફીનયુક્ત વસ્તુઓ તમને જગાડે છે, જેના કારણે તમને ઊંઘ આવતી નથી. આ સાથે એ પણ જરૂરી છે કે આલ્કોહોલનું સેવન પણ ઓછી માત્રામાં કરો. તે પણ તમારી ઊંઘ પર ખરાબ અસર કરે છે.

ભરપૂર ઊંઘ લો
એક્સપર્ટ્સનું કહેવું છે કે બ્લડ શુગર લેવલને મેનેજ કરવા માટે ભરપૂર ઊંઘ લો. ડાયાબિટીસના દર્દીઓ માટે ૬થી ૮ કલાકની ઊંઘ જરૂરી છે. સ્ટ્રેસ ફ્રી રહો, રિલેક્સ થઇને સૂઓ. બધી ચિંતાઓ બાજુએ મૂકો

રાતના સમયે સ્નેકિંગને ટાળો
ડાયાબિટીસના દર્દીઓને વારંવાર ભૂખ લાગે છે, ખાસ કરીને રાતના સમયે. રાતે હેવી ખાવાથી બચો. કોશિશ કરો કે રાતનું જમવાનું વહેલાં ખાઇ લો. રાતે ભૂખ લાગે તો દૂધ પી શકો છો. રાતે મોડાં જમવાથી તમારું બ્લડ શુગર લેવલ હાઇ રહે છે.

ફિઝિકલ એક્ટિવિટી
સૂતાં પહેલાં કોઇ પણ પ્રકારની ફિઝિકલ એક્ટિવિટી તમારા શરીર માટે ફાયદાકારક છે, તેનાથી સ્ટ્રેસ ઘટે છે. સૂતાં પહેલાં કે રાતે જમ્યા બાદ ટહેલવું તમારા શુગર લેવલને સ્થિર રાખવામાં મદદરૂપ છે, જોકે આ કામ સૂવાના એકાદ કલાક પહેલાં કરો.

હળવું ખાઓ
રાતે સારી ઊંઘ લેવા માટે જરૂરી છે કે ડિનરમાં ભારે ભોજન લેવાનું ટાળો. રાતે હળવો ખોરાક ખાઓ. કોશિશ કરો કે રાતનું જમવાનું થોડાં વહેલાં જમી લો. મોડાં જમશો તો પચશે નહીં. થોડું ઓછું જમો. રાતે સૂતાં પહેલાં ફોન, લેપટોપ અને ટીવીથી દૂર રહો.