WhatsApp, સ્માર્ટફોનનો ઉપયોગ કરનારા તમામ લોકો આ નામથી વાકેફ હશે. આ દુનિયાભરમાં સૌથી વધારે ઉપયોગમાં લેવામાં આવતી મોબાઇલ એપમાંથી એક છે. દુનિયાભરમાં લગભગ 150 કરોડથી વધારે લોકો WhatsAppના એક્ટિવ યૂઝર છે. ભારત આ એપના સૌથી મોટા માર્કેટમાંથી એક છે. આમ તો દેશમાં બીજી ઘણી ઇન્ટસ્ટન્ટ મેસેજિંગ એપ છે, પરંતુ 20 કરોડથી એક્ટિવ યૂઝર્સની સાથે આ એપ સૌથી વધારે ચર્ચિત છે.
WhatsApp પર તમામ સ્માર્ટફોન યૂઝર્સને એક પ્રોબ્લેમ થતી હોય છે. એપ પર આવનારા તમામ ફોટોઝ સેવ થઇ જાય છે.જોકે આ ફિચરને ઑફ કરવા માટે ઑપ્શન પણ સેટિંગ્સમાં મળી જાય છે. ગત વર્ષોમાં આ ઇન્સ્ટન્ટ મેસેજિંગ પ્લેટફોર્મ ડેવલપ થયુ છે. માત્ર મેસેજીસ નહી પરંતુ તેના પર કોન્ટેક્ટ્સ, લોકેશન, ડોક્યૂમેન્ટ, વીડિયોઝ અને ફોટોઝ પણ શૅર કરવામાં આવે છે. જેના કારણે ઑટો ડાઉનલોડથી ફોનની સ્ટોરેજ સ્પેસ ભરાઇ જાય છે.
WhatsApp પર મળતા તમામ ફોટોઝ ફોનના સ્ટોરેજમાં પોતાની મેળે જ સેવ ન થઇ જાય તે માટે કેટલાક સેટિંગ્સ હોય છે. વાસ્તવમાં બાઇ ડિફોલ્ટ WhatsApp ચેટમાં રિસીવ થનારા વીડિયોઝ અને ફોટોઝ આપમેળે ડાઉનલોડ થઇ જાય છે. માત્ર ફોટો જ નહી, GIF ફાઇલ્સ અને વીડિયોઝ પણ ડાઉનલોડ થઇ જવાથી જરૂરિયાતવાળી ફાઇલ શોધવી મુશ્કેલ થઇ જાય છે. તમે ઇચ્છો તો તેણે ડિસેબલ કરી શકો છો. આ માટે આ સ્ટેપ્સ ફૉલો કરો.
એન્ડ્રોઇ ફોન:
- WhatsApp ઓપન કરીને ટોપ રાઇટ કોર્નર પર દેખાતા ત્રણ ડોટ્સ પર ક્લિક કરો.
- હવે સેટિંગ્સ ઑપ્શન પર ક્લિક કરીને તેમાં ચેટ્સ સિલેક્ટ કરો.
- અહીં Media Visibility પર જઇને ટૉગલ ઓફ કરી લો. આમ કરવાથી તમારા WhatsApp લિસ્ટમાં રહેલા તમામ લોકો અને ગ્રૂપ્સ દ્વારા આવતી તસવીરો-ઓડિયો-વીડિયોનું આપમેળે થતું ડાઉનલોડિંગ અટકી જશે.
- જો તમે દરેક ચેટમાં Media Visibility ઓફ કરવા ન ઇચ્છતા હો અને કોઈ ચોક્કસ યૂઝર કે ગ્રૂપના મલ્ટિમીડિયા મેસેજિસ પર તાળું મારવા ઈચ્છતા હો, તો જે તે યૂઝરની ચેટ ઓપન કરો.
- ચેટ ઓપન કરતા જ ટોપ રાઇટ કોર્નરમાં દેખાતા ત્રણ ડોટ્સ પર ક્લિક કરો. તેમાં View Contactનો ઓપ્શન સિલેક્ટ કરો. નવું જે બોક્સ ખૂલે તેમાં Media visibility પર ક્લિક કરો.
- અહીં તમને 'Show newly downloaded media from this chat in your phone's gallery?'એવો સવાલ પુછાશે. તેની સાથે Defult(No), Yes અને No એવા ત્રણ ઓપ્શન દેખાશે. તેમાં No સિલેક્ટ કરો. ત્યારબાદ OK સિલેક્ટ કરીને આ ફેરફાર સેવ કરી લો.
- હવે WhatsApp પોતાની જાતે જ ફાઇલ્સને ડાઉનલોડ નહીં કરી શકે. હવે તમે જે ફાઇલ ડાઉનલોડ કરવા ઇચ્છો છો, તેના પર ક્લિક કરીને તેને મેન્યુઅલી ડાઉનલોડ કરી શકો છો. ગ્રુપ ચેટ્સ પર પણ તમને મળનારા ફોટોઝ અને વીડિયોઝ જાતે ડાઉનલોડ નહીં થાય.