વિવાદ / અમેરિકા-ચાઇના વચ્ચેના ટ્રેડવોરને લઇને 600 કંપનીઓએ ટ્રમ્પને આપી આવી ચેતવણી

ઉલ્લેખનીય છે કે, ચીન પર વધુ ઇમ્પોર્ટ ટેક્સ લગાવવાથી અમેરિકાના અર્થતંત્રને નુકસાન થવાની ભીતિ સેવાઈ રહી છે. આનાથી લોકોની નોકરીઓ જશે અને હજારો ગ્રાહકોને અસર પડશે. અમેરિકન મીડિયા મુજબ, રિટેલ, મેન્યુફેક્ચર અને ટેક સેક્ટરની કંપનીઓ સહિત અમેરિકાના ઉદ્યોગ સંગઠનોએ ટ્રમ્પને ચિઠ્ઠી લખી ચીન સાથે ટ્રેડ વૉર ખતમ કરવાની માગ કરી છે. 

યુએસની કંપનીઓનું કહેવું છે કે, વધારાનો ઇમ્પોર્ટ ટેક્સ લગાવવાથી અમેરિકાના બિઝનેસ, ખેડૂતો અને સામાન્ય લોકો પર નકારાત્મક અસર પડશે અને તમામ લોકોને ભારે નુકસાન થશે. ગયા મહિને અમેરિકાએ 200 અબજ ડૉલરની ચાઇનીઝ ઇમ્પોર્ટ પર ટેક્સ 10%થી વધારીને 25% કર્યો હતો.

ટ્રમ્પે વધારાની 300 અબજ ડૉલરની આયાત પર ટેક્સ લગાડવાની ધમકી આપી છે. જેમાં રમકડાં, કપડાં, જૂતા વગેરે વસ્તુઓ સામેલ છે.જેને લઈને હાલ વેપારીઓ ભયમાં છે અને ટ્રમ્પ સરકારને આમ ન કરવાની અપીલ કરી રહ્યા છે.

અમેરિકાના વેપારીઓની વ્યથા એટલા માટે વધી છે. કારણ કે સરકારે વધારેલો ટેરિફ ચીનના વેપારીઓ નહી પરંતુ અમેરિકાના વેપારીઓને જ ચુકવવાનો રહે છે. અમેરિકા-ચીન વચ્ચે વેપાર-વાર્તાને લઈને અનિશ્ચિતતાના કારણે બજારમાં હાલ અફરાતફરીનો માહોલ છે. જેના કારણે ઈકોનોમી ગ્રોથ પણ ખતરામાં છે. 

ટેરિફ વધવાથી ચાઇનીઝ પ્રોડક્ટનો ભાવ ઓછો રાખવા માટે કેટલીક અમેરિકન રિટેલ કંપનીઓ ચીનથી બહાર પ્રોડક્શન કરવાની ડીલ પણ કરી શકે છે.પરંતુ આ તમામ મોરચે હાલ અમેરિકાના વેપારીઓને ભારે નુકસાન જવાનો ભય છે.અને તેના કારણે 600 વેપારીઓએ પત્ર લખીને ટ્રમ્પ સરકાર પાસે ટ્રેડવોર બંધ કરવાની માગ કરી છે.