ખુશખબર / ટિકટોક યુઝર્સ માટે સારા સમાચાર, આ બે કંપનીઓ TikTok ખરીદશે, જાણો કોણ વાપરી શકશે આ એપ

• આ પગલાથી બન્ને કપંનીઓનો વ્યાપાર મજબૂત થશે
• ટિકટોકને ખરીદવા માટે વોલમાર્ટ પણ માઈક્રોસોફ્ટને સાથ આપશે
• બન્ને કંપનીઓ સાથે મળીને જલ્દી જ તેની ખરીદીની તૈયારી કરશે.

વોલમાર્ટે કહ્યું કે આ પગલાથી બન્ને કપંનીઓનો વ્યાપાર મજબૂત થશે. ઉલ્લેખનીય છે કે આ બે કંપની પહેલાથી જ સાથે કામ કરી રહી છે. વોલમાર્ટ માઈક્રોસોફ્ટના Azure ક્લાઉડનો ઉપયોગ કરે છે. બન્ને કંપનીના ટિકટોક ખરીદવાની વાતથી ન્યૂયોર્કમાં વોલમાર્ટના શેર લગભગ 3.6 ટકા ઉછળી 135.47 ડૉલર પહોંચી ગયા છે.

ઉલ્લેખનીય છે કે  ચાઈનીઝ વીડિયો શેરીંગ એપ ટિકટોક માટે સમય સારો નથી ચાલી રહ્યો. અમેરિકાના રાષ્ટ્રપતિ ડોનાલ્ડ ટ્રમ્પની ધમકીઓની વચ્ચે કંપનીના ચીફ એક્ઝિક્યૂટિવ ઓફિસર કેવિન મેયરે રાજીનામુ આપી દીધું છે. તેમણે માત્ર 3 મહિના પહેલા જ કંપની જોઈન કરી હતી. ન્યૂઝ એજન્સી રોયટર્સે ફાયનાન્સિયલ ટાઈમ્સ અખબારના હવાલાથી કહ્યું છે કે જનરલ મેનેજર વનીસા પપાજને તત્કાલીક ધોરણે તેમની જગ્યાએ કંપનીના અંતરિમ સીઈઓ નિયુક્ત કરવામાં આવ્યા છે. ટિકટોક પર ડેટા ચોરીનો આરોપ લાગ્યો છે.

માઈક્રોસોફ્ટ ફક્ત અમેરિકામાં જ ટિકટોક ખરીદી સુધી મર્યાદિત રહવા નથી માંગતી પરંતુ કંપની દુનિયા ભરના અનેક દેશ જેવા કે કેનેડા, ઓસ્ટ્રેલિયા અને ન્યૂઝિલેન્ડમાં પણ આ એપ ખરીદવાનો પ્લાન કરી રહી છે.