ખાસ વાંચો / ખુલ્લા પગે ચાલવાથી ડાયાબિટીસ અને બ્લડપ્રેશર રહેશે દૂર, જાણો ખુલ્લા પગલે ચાલવાના આ છે ફાયદાઓ 

• આર્થ્રાઈ‌િટસ-અસ્થમા જેવી સમસ્યામાં રાહત
• ખુલ્લા પગે ચાલવાથી બ્લડશુગર પણ કંટ્રોલમાં આવે છે
• એક્યુપ્રેશરના કારણે શરીરના બધા ભાગોને થાય છે કસરત

જૂના જમાનામાં લોકો પગરખાં વગર ચાલતા હતા, પરંતુ સમય જતાં જૂતાં અને ચપ્પલ પહેરવાનું ચલણ સામાન્ય બની ગયું છે. સામાન્ય રીતે ફૂટવેરનો ઉપયોગ ચાલતી વખતે ગંદકી અથવા ઈજાને ટાળવા માટે થવો જોઈએ. જો તમે ઘાસના મેદાન અથવા ચોખ્ખી જમીન પર ચાલતા હો તો જૂતાં પહેરવાની જરૂર નથી. ખુલ્લા પગે ચાલવાથી ઘણા શારીરિક ફાયદા થઈ શકે છે. 

બ્લડશુગર પણ કંટ્રોલમાં આવે છે

આપણા શરીરની મોટા ભાગની સમસ્યાનું મૂળ આપણી જીવનશૈલી છે. બેઠાડુ જીવન અને આહાર પદ્ધતિમાં બેદરકારીના કારણે ડાયાબિટીસ, બ્લડપ્રેશર અને પેટની બીમારીઓ ઊભી થાય છે. આ ઉપરાંત ઘણી ગંભીર બીમારીઓ પણ થઈ શકે છે. આખો દિવસ એક જ સ્થળે બેસી રહેવાથી પગમાં સોજો આવી શકે છે અને શરીરમાં રક્તનો પ્રવાહ પણ ખોરવાય છે, જેથી ચાલવું ખૂબ જ જરૂરી છે.

થાક અથવા દુખાવો દૂર કરે

ખુલ્લા પગે ચાલવાથી પૂરતા પ્રમાણમાં ઓક્સિજન મળે છે અને રક્ત પરિભ્રમણ વધુ સારું થાય છે, જે થાક અથવા દુખાવો દૂર કરે છે તેમજ ઘૂંટણના દુખાવાનો અનુભવ કરતા ડાયાબિટીસના દર્દીઓને દુખાવામાં રાહત થાય છે. ચાલવાથી બ્લડશુગર પણ કંટ્રોલમાં આવે છે.

આર્થ્રાઈ‌િટસ-અસ્થમા જેવી સમસ્યામાં રાહત

ખુલ્લા પગે ચાલવાથી એનર્જી લેવલમાં વધારો થાય છે. આ સાથે સ્ટ્રેસ, સાંધાનો દુખાવો, ઊંઘ ન આવવી, કાર્ડિયોવાસ્ક્યુલર પ્રોબ્લેમ, આર્થ્રાઈ‌િટસ, અસ્થમા, ઓ‌િસ્ટયોપોરોસિસની સમસ્યાઓ પણ દૂર થાય છે તેમજ હાડકાં નબળાં પડી ગયાં હોય તેવા કિસ્સામાં પણ ચાલવું ફાયદો કરાવી શકે છે. સતત ચાલવાથી હાડકાંમાં કેલ્શિયમ વધે છે.

એક્યુપ્રેશરના કારણે શરીરના બધા ભાગોને થાય છે કસરત

ખુલ્લા પગે ચાલતી વખતે તમારા અંગૂઠા નીચેનો ભાગ પૃથ્વી સાથે સીધો સંપર્કમાં આવે છે, જેના એક્યુપ્રેશરના કારણે શરીરના બધા ભાગોને કસરત થાય છે અને ઘણા રોગોથી છુટકારો મળે છે. ચાલતી વખતે થતા દબાણના કારણે આંખો હંમેશાં ફિટ રહે છે અને તેની રોશની પણ સારી રહે છે.

નર્વસ સિસ્ટમ માટે ફાયદાકારક

ચાલવું એ શરીરની નર્વસ સિસ્ટમ માટે પણ ફાયદાકારક માનવામાં આવે છે. પગરખાં પહેરીને ચાલવાથી જે સ્નાયુઓ સક્રિય નથી હોતા તે તમામ સ્નાયુઓ ખુલ્લા પગે ચાલવાથી સક્રિય થાય છે, જેના કારણે બ્લડપ્રેશર પણ કંટ્રોલમાં રહે છે.