જો તમે વહેલી સવારે ઊઠી જવાની આદત ધરાવતા હશો તો તમને ડિપ્રેશન આવે એવી સંભાવનાઓ ઘણી ઓછી થઇ જાય છે એવું અમેરિકાના નિષ્ણાતોનું કહેવું છે. વહેલી સવારે ઊઠીને દિવસની સ્ફૂર્તિમય શરૂઆત કરવાની આદત હોય તો નૅચરલી જ ડિપ્રેશન જેવી સુસ્તતા ઓછી અનુભવાય છે.
બીજી તરફ જે લોકો મોડી રાત સુધી જાગે છે અને કંઇક ને કંઇક પ્રવૃત્તિમાં રત રહ્યા કરે છે તેમને ડિપ્રેશન આવવાની સંભાવના વધુ હોય છે. કુદરતી પ્રકારમાં પોતાનું કામ શરૂ કરે છે અને અંધકાર દરમ્યાન પ્રવૃત્તિઓ ધીમી પાડી દે છે તેમની માનસિક સ્વસ્થતા સારી હોયછે.
મોડી રાત સુધી જાગનારા લોકો કુદરતી પ્રકાશમાં ઓછામાં ઓછી પ્રવૃત્તિ કરે છે તેમનામાં કસરતનું પ્રમાણ ઓછું હોય છે અને દિવસનો પ્રકાશ તેમના શરીરને ઓછો મળતો હોય છે જેને કારણે મૂડ-ડિસઓર્ડર્સ થવાનું પ્રમાણ વધુ હોય છે.