વરસાદ / અંગારા ઝરતી ગરમી વચ્ચે ખુશખબર, આ તારીખથી મેઘો માંડી શકે શ્રીગણેશ

ભારતીય હવામાન વિભાગે ચોમાસાને લઈને અનુમાન જાહેર કર્યું છે.આ વર્ષે સામાન્ય વરસાદ થવાની થશે. 6 જૂન સુધી ચોમાસુ કેરળમાં પહોંચી શકે છે. ત્યારબાદ ચોમાસુ આગળ વધશે. જોકે, 6 જૂન સુધી ગરમીથી રાહત મળવાની આસા દેખાઈ રહી નથી.ઓગષ્ટ મહિનામાં 99 ટકા ચોમાસાનું અનુમાન છે. 

હવામાન વિભાગ અનુસાર, દક્ષિણ ભારતમાં 97 ટકા ચોમાસાનું અનુમાન છે. પૂર્વોત્તર ભારતમાં 91 ટકા વરસાદનું અનુમાન છે. ઉત્તર-પશ્ચિમ ભારતમાં ચોમાસુ 94 ટકા રહેશે. જ્યારે, મધ્ય ભારતમાં 100 ટકા ચોમાસાનું અનુમાન છે. 

જૂનથી સપ્ટેમ્બર સુધીમાં સરેરાશ 96 ટકા વરસાદ થાય તેવું અનુમાન છે. જોકે, જુલાઈમાં સામાન્યથી નબળો વરસાદ થવાની સંભાવના છે. આઈએમડી અનુસાર, જુલાઈમાં એવરેજ 95 ટકા વરસાદ થઈ શકે છે. જ્યારે ઓગષ્ટમાં સારો વરસાદ થવાના સંકેત છે.

ઓગષ્ટમાં દેશભરમાં જળબંબાકાર વર્ષા થવાની હવામાન વિભાગે આગાહી કરી છે.  ઓગસ્ટ મહિનામાં સરેરાશ 98 ટકા વરસાદ વરસી શકે છે. આ વર્ષે ઉત્તર પશ્ચિમ અને ઉત્તર પૂર્વીય ભારતમાં નબળા વરસાદની આશંકા છે. 

જ્યારે મધ્ય અને દક્ષિણ ભારતમાં સારા વરસાદનું અનુમાન છે. હવામાન વિભાગનું બીજુ અનુમાન જુલાઈના અંતમાં જાહેર કરશે. આમ હાલ આ આગાહી બાદ લોકો સારા વરસાદની રાહ જોઈ રહ્યા છે.