બૉલીવુડ / સંગીતકાર વાજિદ ખાનના કોરોનાથી મોત બાદ પરિવાર માથે વધુ એક તકલીફ

બોલીવુડના પ્રખ્યાત સંગીતકાર જોડી સાજીદ વાજીદના વાજિદ ખાનનું 42 વર્ષની વયે કોરોના પગલે મૃત્યુ થઇ ગયું છે. મળેલી માહિતી પ્રમાણે વાજીદ ખાન છેલ્લા 3 દિવસથી વેન્ટિલેટર ઉપર હતા. તેઓને કિડનીની તકલીફ વકરતા તેમનું મોત થયું હતું.

સુત્રોના જણાવ્યા મુજબ વાજિદ ખાન હોસ્પિટલમાં કિડનીની તપાસ માટે ગયા હતા જ્યાં તેમને કોરોના સંક્રમણ થયું હતું. તેઓની તબિયત ખરાબ થતા તેમણે દાખલ કરવામાં આવ્યા હતા. થોડા સમય સુધી તેમની તબિયત સારી રહ્યા બાદ અચાનક તબિયત લથડી હતી. 

હવે સમાચાર મળી રહ્યા છે કે તેમની માતા 60 વર્ષીય રઝિયા ખાન પણ કોરોના પોઝિટિવ છે. નજીકના સુત્રોનું કહેવું છે કે તેઓ તેમના પુત્રની સંભાળ રાખતા હતા તે દરમિયાન કોરોનાગ્રસ્ત થઇ ગયા હતા જયારે અન્ય અહેવાલ પ્રમાણે તેઓ વાજિદ ખાનની પહેલા જ કોરોના પોઝિટિવ થઇ ગયા હતા. જો કે મહત્વનું છે કે હાલ તેમની માતાની તબિયત સ્થિર છે અને તેઓને થોડા સમયમાં ચેમ્બુર સ્થિત સુરાણા સેઠિયા હોસ્પિટલમાંથી રજા આપી દેવામાં આવશે.